MTAA KWA MTAA

2012-01-28T15:15:00.002+03:00

TAARIFA KWA VYOMBO VYA HABARI

Bara la Afrika linakabiliwa na changamoto nyingi katika kuleta mageuzi katika kilimo chake lakini ni muhimu changamoto hizo zinaweza kutatuliwa kwa pamoja kati ya Serikali na Sekta Binafsi.

Rais Kikwete ameeleza hayo katika mkutano wa wadau wa Uchumi wanaokutana mjini Davos-Switzerland, kuzungumzia mageuzi na changamoto za uchumi na fedha zinazoikabili dunia kwa sasa.

Katika Mada inayohusu mtazamo na muelekeo mpya wa Kilimo na hatua zinazoweza kuchukuliwa, Rais kikwete amesema, sekta ya kilimo barani Afrika inahitaji mageuzi makubwa ya kukifanya kiwe cha kisasa na chenye tija na hatimaye kuweza kuzalisha chakula kwa ajili ya matumizi ya watu wake na ziada kwa ajili ya kuuza nje ya bara hilo.

“Ukizungumzia mageuzi ya kilimo unazungumzia kilimo kinachotegemea sayansi na teknolojia ya kisasa itakayotufanya tutumie mbolea, mbegu bora, zana bora za kisasa ili kilimo hiki kiwe na tija”. Rais amesema na kuongeza kuwa kwa kufanya hivyo, bara la Afrika litakuwa limewatoa wananchi wake kwenye umaskini mkubwa lakini pia kuongeza ajira na kuvutia maendeleo zaidi Barani Afrika.

Rais amewaeleza wajumbe wa mkutano huo unaojumuisha Viongozi wa Serikali, Wakuu wa Makampuni na Mashirika ya Kibiashara, Kifedha na Wataalamu mbalimbali wa Fedha na Uchumi duniani.

“Kilimo barani Afrika pia kimekuwa na changamoto nyingi kutokana na kuwa kinaendeshwa na serikali, mara nyingi serikali zimekuwa zinakabiliwa na upungufu wa fedha hivyo kutenga fedha chache na zisizotosheleza katika kufanya shughuli za utafiti na kuboresha kilimo kwa ujumla”. Rais amesema na kutoa mwito kwa nchi tajiri, wafanyabiashara wakubwa na wadau wa maendeleo kutoa kipaumbele na kuanza kutilia maanani sekta hii ya kilimo barani Afrika.

“Tunaweza kushirikisha sekta binafsi ili kuchangia nguvu na mchango wa serikali, kwa pamoja tutaweza kukuza kilimo cha Afrika na kukifanya kiwe na tija zaidi kwa wakulima na wadau wote kwa ujumla”.

Amesema na kutoa mfano wa mkakati wa kukuza kilimo Kusini mwa Tanzania unaohusisha mikoa mitano, iliyo katika ukanda wa Tazara maarufu kama Southern Agricultural Growth Corridor of Tanzania (SAGCOT).

Mpango ambao unajumuisha juhudi za Serikali, Sekta Binafsi na Makampuni Binafsi ya nje na ndani ya Tanzania.

Lengo kubwa la mpango huu ni kuzalisha chakula kwa wingi hasa mahindi katika Mikoa ya Iringa, Ruvuma, Mbeya, Rukwa na Morogoro, kwa ajili ya matumizi ya ndani na nje ya Tanzania.

Rais Kikwete ametoa mfano huu wa SAGCOT na kutoa changamoto kwa wadau na washiriki wa Mkutano wa mwaka huu wa Uchumi Duniani, maarufu kama World Economic Forum (WEF), kutumia mpango huu kama mfano wa kuigwa na kutumika katika nchi zingine za Afrika, ili kuboresha na kuleta mabadiliko katika Kilimo barani Afrika na hatimaye, kuchangia katika kukuza uchumi na maendeleo ya bara la Afrika na dunia kwa ujumla.

Rais Kikwete ameondoka leo tarehe 28 Januari 2012, kuelekea Addis Ababa, Ethiopia kuhudhuria kikao cha Wakuu wa Nchi cha kila mwaka.

Mwisho.

Imetolewa na Premi Kibanga,

Mwandishi wa Habari Msaidizi wa Rais,

Davos-Switzerland.

28 Januari, 2012

Twiga Stars tapigwa tafu ya Mil. 10 na MSD

2012-01-28T15:13:00.000+03:00

Mkurugenzi wa Shughuli za Kanda za Mashariki wa Bohari ya Dawa (MSD), Lucy Nderimo (kushoto) akimkabidhi Katibu Mkuu wa Shirikisho la Mpira wa Miguu Tanzania (TFF), Angetile Osiah hundi yenye thamani ya sh. mil. 10 ikiwa ni msaada kwa timu ya Taifa ya Soka ya Wanawake ya Twiga Stars, katika hafla iliyofanyika Dar es Salaam jana. Anayeshuhudia makabidhiano hayo ni Meneja wa Huduma kwa Wateja na Uhusiano wa MSD, Salome Mallamia. Timu hiyo inapambana na Namibia kesho katika mechi ya marudiano ya kufuzu fainali za Mataifa ya Afrika kwa Wanawake.

Katibu Mkuu TFF, Angetile Osiah (kushoto) akitoa shukurani kwa MSD kuipatia timu hiyo msaada. Kutoka kulia ni Mwandishi wa Habari Mwandamizi wa gazeti la Jambo Leo, Grace Michael na Mkurugenzi wa Shughuli za Kanda za Mashariki wa Bohari ya Dawa (MSD), Lucy Nderimo

Meneja wa Huduma kwa Wateja na Uhusiano wa MSD, Salome Mallamia (kushoto), akielezea umuhimu wa msaada huo kwa timu hiyo ya soka kwa wanawake. Kulia ni Katibu Mkuu wa Shirikisho la Mpira wa Miguu Tanzania (TFF), Angetile Osiah.

MAKAMU WA RAIS DKT. BILAL AMALIZIA ZIARA YAKE MKOANI TANGA

2012-01-28T15:04:00.000+03:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisikiliza maelezo kutoka kwa mmoja wa wakulima wa mbogamboga, Juma Kambaga, kuhusu uzalishwaji wa mbogamboga hizo wakati alipotembelea wakulima wa Kituo cha Habari na Mafunzo (Shamba Darasa) cha Jegestal-Lushoto, jana Januari 27, 2012, akiwa katika ziara yake ya mkoa wa Tanga. Kulia ni Mkuu wa Mkoa wa Tanga, Chiku Galawa.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiangalia chupa ya Juisi iliyotengenezwa na wajasiliamali, Salome Mtawa (kulia) wa kikundi cha Usambara Lishe Trust, wakati alipotembelea wakulima wa Kituo cha Habari na Mafunzo (Shamba Darasa) cha Jegestal-Lushoto, jana Januari 27, 2012, akiwa katika ziara yake ya mkoa wa Tanga.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akikagua jengo la Halmashauri ya Wilaya ya Lushoto baada ya kuweka jiwe la Msingi katika jengo hilo lililopo Chakechake Lushoto jana Januari 27, 2012, wakati akiwa katika ziara yake ya mkoa wa Tanga. Kushoto kwake ni Mkuu wa Mkoa wa Tanga, Chiku Galawa na Mkuu wa Wilaya ya Lushoto, Sophia Mjema.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwasalimia na kuwaaga wasanii waliokuwa wakitoa burudani, wakati akiondoka Chakechake baada ya kuweka jiwe la Msingi katika Jengo la Halmashauri ya Wilaya ya Lushoto, jana Januari 27, 2012, wakati akiwa katika ziara yake ya mkoa wa Tanga.

Makamuwa Rais wa Jamhuri ya Muungano wa Tanzania, Dkt. Mohammed Gharib Bilal, akisikiliza maelezo kutoka kwa mkulima wa Nyanya, Judith Munis, wa Kikundi cha Upendo Jegestal, kuhusu kilimo cha nyanya, wakati alipotembelea wakulima wa Kituo cha Habari na Mafunzo (Shamba Darasa) cha Jegestal-Lushoto, jana Januari 27, 2012, akiwa katika ziara yake ya mkoa wa Tanga. Picha na Muhidin Sufiani-OMR.

askari polisi wawili wapoteza maisha na wengine wanne kujeruhiwa katika ajali ya gari mkoani tanga

2012-01-28T12:31:00.002+03:00

viongozi wa Serikali na wananchi wa kijiji cha Nduu,Mombo mkoani Tanga wakitafuta namna ya kuwatoa askari wa kikiso cha kutuliza ghasia (FFU) mkoani Tanga mara baada ya gari lao lenye namba za usajiri PT 2000 aina ya Toyota Landcrusser kuacha njia na kupinduka bondeni wakati wakiwa kwenye ziara ya Makamu wa Rais,Dkt. Mohamed Bilal iliyotokea jana eneo la Nduu Mombo mpakani mwa wilaya ya Lushoto na Korogwe.

Askari wa kikosi cha kutuliza ghasia (FFU) Mkoani Tanga wakipata msaada wa kuvutwa kutoka kwenye bonde baada ya gari yao kuacha njia na kuelekea bondeni wakiwa kwenye msafara wa ziara ya makamu wa Rais Dkt. Mohamed Balil eneo la Nduu Mombo lililo mpakani mwa wilaya ya Lushoto na Korogwe jana na kusababisha vifo vya kwa askari wawili wa kikosi cha hicho.

Mmoja wa Majeruhi wa katika ajali hiyo akipata matibabu katika hospital ya Magunga wilayani Muheza.

Wananchi wa Mombo na viongozi wa Serikali wakiangalia ajali hiyo mbaya iliyotokea eneo la Nduu Mombo na kupoteza maisha kwa askari wawili na kujeruhi wanne wa kikosi cha kuzuia ghasia (FFU) Mkoa wa Tanga wakati wakitokea Lushoto kwenye ziara ya makamu wa Rais Dkt. Mohamed Bilal.

Rais Kikwete katika Kongamano la Uchumi Duniani mjini Davos, Switzerland

2012-01-28T11:04:00.002+03:00

Rais Jakaya Mrisho Kikwete akisalimiana na Mwenyekiti wa Bill and Melinda Gates Foundation Bw. Bill Gates wakati wa Kongamano la Uchumi Duniani mjini Davos, Switzerland.

Rais Jakaya Mrisho Kikwete akiongea na Waziri wa Mambo ya Nje wa Australia Bw. Kevin Rudd wakati wa Kongamano la Uchumi Duniani mjini Davos, Switzerland.

Rais Jakaya Mrisho Kikwete katika mazungumzo na Waziri Mkuu wa Thailand Bi. Yingluck Shinawatra wakati wa Kongamano la Uchumi Duniani mjini Davos, Switzerland.

Rais Jakaya Mrisho Kikwete akiwa katika mazungumzo na Rais na Mtendaji Mkuu wa kampuni ya Walmart Bw Doug Mc Millon wakati wa Kongamano la Uchumi Duniani mjini Davos, Switzerland.

Rais Jakaya Mrisho Kikwete akikutana na Madame Sadako Ogata, Rais wa Japan International Cooperative Agency mjini Davos.

Rais Jakaya Mrisho Kikwete akiagana na Waziri Mkuu wa Kenya Mh Raila Odinga baada ya kufanya naye mazungumzo mjini Davos.

Rais Jakay Mrisho Kikwete akiongea na Waziri Mkuu wa Uingereza Bw. David Cameron mjini Davos, Uswisi.Picha na IKULU.

Rais Kikwete akutana na kufanya mazungumzo mafupi na Ofisa Mtendaji Mkuu wa Vodafone mjini Davos, Uswisi

2012-01-28T10:24:00.002+03:00

Rais Jakaya Mrisho Kikwete akisalimiana na Ofisa Mtendaji Mkuu wa Vodafone Bw. Vittorio Colao katika Hoteli ya Sheraton Waldhuus, Mjini Davos, Uswisi, Viongozi hao wawili wanahudhuria Mkutano wa Uchumi Duniani unaofanyika mjini Davos na mazungumzo yao yaliangaza dhamira ya Vodafone ya kuongeza uwekezaji katika kusaidia ustawi wa jamii nchini na kuunga mkono juhudi za serikali ya Tanzania.

Vodafone ndio wanahisa wakuu wa kampuni ya Vodacom Tanzania.Bw Colao ambae anahudhuria mkutano wa Uchumi wa Ulimwengu – WEF mjini Davos kama ilivyo kwa Rais Kikwete walipata nafasi ya kukutana na kufanya mazungumzo hayo katika hoteli ya Sheraton Waldhuus.

Mazungumzo hayo yaligusia mahusiano ya Vodafone na seriklai ya Tanzania na watu wake hususan katika uwekezaji katika jamii kusaidia kukuza,kuimarisha na kuboresha huduma za kijamii nchini ikiwa ni utekelezaji wa azma na malengo makuu ya Vodafone ya kuchangia kubadili maisha ya watanzania.

Vodafone kupitia Vodacom Tanzania imekuwa ikiwekeza kiasi kikubwa cha fedha kusaidia na kuunga mkono miradi mbalimbali ya kijamii nchini ikiwemo maeneo makuu matano ya Elimu, Afya, Kuinua vipato vya wanawake, Mazingira na Michezo ili kuunga mkono juhudi za serikali zinazolenga kuwaletea wananchi maendeleo

Katika mazungumzo hayo mafupi Bw. Colao alimuhakikishia Rais Kikwete kwamba Vodafone itaendelea kuwekeza katika maendeleo ya jamii Tanzania hususan katika maeneo ya afya na elimu ambayo yanauhusiano wa moja kwa moja na wa karibu katika kuiwezesha jamii kuondokana na changamoto ambazo zinaweza kuathiri maendeleo ya watu na hivyo kushindwa au kupunguza kasi ya kubadili maisha yao.

WANAFUNZI WA SHULE YA MSINGI JIJINI DAR WAANDAMANA

2012-01-28T00:24:00.000+03:00

Wanafunzi wa Shule za Msingi Ndugumbi na Mwalimu Nyerere, Magomeni,Dar es Salaam, wakiandamana katika Barabara ya Kawawa, kuishinikiza Wakala wa Barabara wa Serikali (TANROADS), kuweka matuta barabarani, kufuatia wenzao wawili kugongwa na magari kunakosababishwa na mwendo kasi katika eneo hilo.Picha na Hamisi Magendela

Dkt. Shein akutana na Uongozi wa Wizara ya Katiba na Utawala bora leo

2012-01-27T21:59:00.000+03:00

Rais wa Zanzibar na Mwenyekiti wa Balaza Mapinduzi,Dk.Ali Mohamed Shein,akizungumza na Uongozi wa Wizara ya Katiba na Utawala Bora,katika hatua zake za utekelezaji wa kazi za Wizara hiyo,katika ukumbi wa Ikulu Mjini Zanzibar leo.

Watendaji wa Uongozi wa Wizara ya Katiba na Utawala Bora,wakimsikiliza Rais wa Zanzibar na Mwenyekiti wa Balaza Mapinduzi,Dk.Ali Mohamed Shein,alipozungumza nao katika ukumbi wa mikutano Ikulu Mjini Zanzibar, katika hatua zake za utekelezaji wa kazi za Wizara hiyo leo.Picha na Ramadhan Othman IKULU

MAKAMU WA RAIS ATUMA SALAMU ZA RAMBIRAMBI KWA MKUU WA JESHI LA POLISI NCHINI NA MKUU WA MKOA WA TANGA

2012-01-27T21:53:00.002+03:00

Makamu wa Rais wa Jamhuri ya Muungano wa Tanzania Dkt. Mohammed Gharib Bilal ametuma salamu za rambirambi kwa Mkuu wa Jeshi la Polisi nchini Inspekta Jenerari Said Mwema na Mkuu wa Mkoa wa Tanga Chiku Galawa, kufuatia ajali ya gari la Polisi lililopata ajali na kusababisha kifo cha askari sambamba na kujeruhi wengine, ajali iliyotokea leo katika barabara itokayo Lushoto kuingia mji mdogo wa Mombo, gari ambalo lilikuwa mwishoni mwa msafara wa Makamu wa Rais uliokuwa ukitokea wilayani Lushoto.

Makamu wa Rais alikuwa akimalizia ziara yake mkoani Tanga, ziara aliyoianza Januari 24 na kuikamilisha leo Januari 27 wilayani Lushoto. Msafara wa Makamu wa Rais ulikuwa unatoka Lushoto ukielekea Hale, ambako huko Makamu wa Rais amefika salama.

Makamu wa Rais amesikitishwa sana na tukio hilo na amewapa pole Mkuu wa Jeshi sambamba na Mkuu wa Mkoa wa Tanga, na anabainisha kuwa tukio hilo limemgusa sana na anawatakia moyo wa ujasiri na uvumilivu kufuatia tukio hili ambalo limekuja katika kipindi ambacho hakikutarajiwa.

Makamu wa Rais anatarajiwa kuondoka mjini Tanga kesho kufuatia kuhitajika kusimamia mkutano wa Kamati ya Muungano unaofanyika kesho asubuhi jijini Dar es Salaam, sambamba na kusimamia majukumu mengine ya serikali kufuatia Mheshimiwa Rais wa Jamhuri ya Muungano wa Tanzania Dkt. Jakaya Kikwete kuwa nje ya nchi kikazi kwa sasa.

“Naamini mkoa wa Tanga na Jeshi la Polisi watatoa huduma zote zinazohitajika kwa wafiwa sambamba na majeruhi, nami binafsi nitafatilia kwa ukaribu,” anasema Mheshimiwa Makamu wa Rais Dkt. Bilal.

Imetolewa na: Boniphace Makene

Mwandishi wa Habari wa Makamu wa Rais wa Jamhuri ya

Muungano wa Tanzania

MABADILIKO YA WASANII WATAKAOTUMBUIZA KATIKA SAUTI ZA BUSARA MWAKA HUU

2012-01-27T21:52:00.000+03:00

Busara Promotions ina matangazo mawili muhimu, kuhusu wasanii wawili waliopangwa kutumbuiza katika tamasha la mwaka huu. Hata hivyo wasanii wengine kama ilivyotangazwa katika tovuti yetu www.busaramusic.org watatumbuiza kama ilivyopangwa.

Lady Jaydee hatatumbuiza kama ilivyotangazwa awali

Kwa masikitiko makubwa tunatoa taarifa kuwa mwanamuziki, Lady Jaydee hatatumbuiza kama ilivyopangwa awali, katika ratiba ilikuwa mwanamuziki huyo apande jukwaani alhamisi ya Februari 9.

Taarifa kutoka kwa meneja wake, Gardner G Habash tuliyoipokea leo hii inasema “ Lady Jay Dee alipenda sana kutumbuiza katika tamasha la mwaka huu, lakini nasikitika kuwaambia kuwa hataweza, kutokana na kusumbuliwa na maradhi ambayo daktari ameshauri apate mapumziko kwa kipindi kisichopungua miezi mitatu, Kwa maana hiyo hataweza kupanda katika jukwaa lolote katika kipindi hicho.”

Yusuf Mahmoud,Mkurugenzi wa Tamasha, amejibu, “Tunamtakia afya njema na apone haraka.Lady Jay Dee ni mmoja kati ya wasanii wanaopendwa sana Tanzania. Sisi na mashabiki wa Sauti za Busara tutaukosa uwepo wake katika ufunguzi. Hakuna wa kuweza kuliziba pengo lake, lakini baada ya siku chache kuanzia leo tutatangaza nani ataichukua nafasi yake.”

Lady Jay Dee mara ya mwisho alitumbuiza katika tamasha la Sauti za Busara mwaka 2006.

Kifo cha kiongozi wa Seven Survivor Band, Juma Mpogo

Busara Promotions imeshtushwa na kusikitishwa na kifo cha kiongozi wa bendi ya Seven Survivor , Juma Mpogo a.k.a. General Lupozi. Juma alifariki dunia Jumapili ya Januari 22. Ameacha mke na watoto wawili.

Alikuwa ndiye mtunzi mkuu, mwimbaji na mpiga kinanda wa bendi hiyo. Seven Survivor ni moja ya bendi zilizopo jijini Dar es Salaam inayoongoza katika upigaji wa muziki aina ya Mchiriku, ni muziki maarufu na unaopendwa katika mikoa ya Dar es Salaam, Pwani na Morogoro.

Hata hivyo bendi hiyo imethibitisha ushiriki wake mwaka huu hata baada ya kuondokewa na kiongozi wao, pia bendi hiyo itapambana na Jagwa Music Jumamosi , Februari 11 katika mpambano wa Mchiriku utakaoitwa Nani Zaidi?

Kuhusu Sauti za Busara

Sauti za Busara inatoa jukwaa kwa wanamuziki wa ndani, kujifunza kutoka kwa wanamuziki wa mataifa mbalimbali ya bara la Afrika wanaokuja kutumbuiza, Wakati huohuo inautambulisha muziki wa Afrika Mashariki kwa wageni.

Katika jamii yoyote, aina hii ya kubadilishana uzoefu na utamaduni, ni muhimu kwa ukuaji wa kiafya na ukuaji wa muziki wowote duniani. Pia tamasha huonyesha uzuri uliopo katika muziki wetu wa asili, hutoa ajira kwa wakazi na kipato kwa wasanii.

Warsha na semina za kuwajenga kisanii na kiufundi wasanii wetu, ni moja ya nguzo kuu za shughuli za tamasha, ambazo huwalenga wanamuziki, wanahabari, mameneja wa wanamuziki, mafundi na wafanyakazi wa vivutio vya sanaa na maliasili nchini. Mikutano hii imewajengea uelewa mkubwa na wa kudumu.

Wafadhili wa Tamasha

Sauti za Busara music festival, 8 - 12 February 2012 imefadhiliwa na: The Norwegian Embassy, HIVOS, Mimeta, Roskilde Festival Charity Society, Grand Malt, Toyota, Commercial Bank of Africa, Goethe Institut, US Embassy, African Leisure Centre, fly540, Memories, Zanzibar Grand Palace Hotel, Maru Maru Hotel, SMOLE II, Zanlink, Azam Marine, Embassy of France, ZanAir, fROOTS, Times FM, Multi-Color Printers, Ultimate Security, Tabasam Tours, , Emerson Spice, Monsoon Restaurant, Southern Sun Dar es Salaam, Mercury's, Archipelago Restaurant, Stone Town Café, www.zanzibar.net

MO DEWJI APOKEA MSAADA WA BAISKELI ZA WALEMAVU

2012-01-27T20:46:00.000+03:00

Mbunge wa jimbo la Singida mjini,Mh. Mohammed Dewji (mwenye miwani katikati) akipokea msaada wa Baiskeli Tano za Walemavu kutoka kwa Mkuu wa Club za wanachama wa Lions Club Tanzania na Uganda,Bw.Satish Sharma.

Mh. Mohammed Dewji akibadilishana mawazo na baadhi wajumbe wa Lions Club.

Na.Mwandishi wetu.

Mbunge wa jimbo la Singida mjini Mh. Mohammed Dewji amepokea msaada wa baiskeli 5 za walemavu kwa ajili ya jimbo lake zilizotolewa na Taasisi ya Lions Club Tanzania.

Mh. Dewji amekabidhiwa msaada huo leo jijini Dar es Salaam na Mkuu wa Club za wanachama wa Lions Club Tanzania na Uganda Satish Sharma, katika makabidhiano yaliyofanyika katika Shule ya Msingi Gerezani.

Mh. Dewji ameshukuru msaada huo akisema utakua faraja kwa wananchi wa jimbo lake ambao wanamatatizo ya ulemavu wa viungo.

“Nawashukuru Lions Club kwa msaada huu na utakua chachu kwa wananchi wa jimbo la Singida hususani walemavu wakiwemo wale wa viungo walio na mahitaji maalum, kwa kuwa baiskeli hizi zitawasaidia sana hivyo nawashukuru” amesema Mh. Dewji.

Kwa upande wake Satish Sharma amesema licha ya kukabidhi msaada huo wa baiskeli za walemavu, Lions Club wametoa misaada mbalimbali kwa nchi za Tanzania na Uganda, ikiwemo baiskeli hizo na vifaa mbalimbali vya shule.

“Kwa sasa Lions Club tunaendelea kutoa misaada mbalimbali ya kijamii vikiwemo vifaa vya mashuleni na michango mingine ikiwemo baiskeli na baada ya hapa tutaazunguka mikoa ya Morogoro na kisha kanda ya Ziwa mikoa ya Mwanza, Msoma, Bunda na Shinyanga” amesema Satish.

Lions Club mpaka sasa ina wanachama 1600 na Club 48 kwa nchi za Tanzania na Uganda, ambapo wamekua mstari wa mbele katika kusaidia misaada ya kijamii kwa nchi mbalimbali zilizo na wanachama Duniani kote.

MAKAMU WA RAIS DKT. BILAL ATEMBELEA MASHAMBA YA MPUNGA YA KOROGWE, AWEKA JIWE LA MSINGI JENGO LA UKUMBI NA OFISI YA HALMASHAURI YA KOROGWE

2012-01-27T19:34:00.000+03:00

Makamu Wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na Madiwani wa Kata za Wilayani Korogwe, alipowasili eneo hilo kwa ajili ya kuweka Jiwe la Msingi katika Jengo la Ukumbi na Ofisi ya Halmashauri ya Wilaya ya Korogwe, wakati akiwa katika ziara yake ya Wilaya ya Korogwe mkoa wa Tanga jana.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiweka Jiwe la Msingi katika jengo jipya la Ukumbi na Ofisi ya Halmashauri ya Wilaya ya Korogwe, wakati alipokuwa katika ziara yake ya kukagua miradi ya maendeleo ya Wilaya ya Korogwe mkoa wa Tanga jana.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisikiliza maelezo kutoka kwa mmoja wa wakulima wa Mpunga kuhusu kilimo hicho cha umwagiliaji wakati alipotembelea na kukagua mashamba ya Skim Mamlaka ya mji wa Mombo jana.

Makamu wa Rais wa Rais wa Jamhuri ya Muungano wa Tanzania, Dkt. Mohamed Gharib Bilal, akikagua mitaro ya maji yanayotumika kumwagilia mashamba ya mpunga ya Skim, mji wa Mombo, wakati akiwa katika ziara yake ya kukagua miradi ya maendeleo ya Wilaya ya Korogwe mkoa wa Tanga jana Januari, 26, 2012, akiwa katika ziara ya mkoa wa Tanga.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisoma ujumbe ulioandikwa na vijana wa Harakati ya Mazingira, wakati akiwasili kwenye uwanja wa Mamlaka ya Mji wa Mombo kwa ajili ya kuwahutubia wananchi, akiwa katika ziara yake ya Wilaya ya Korogwe Mkoa wa Tanga, jana Januari26, 2012. Kulia kwake ni mkewe Mama Zakhia Bilal na (kushoto) ni Mkuu wa Mkoa wa Tanga, Chiku Galawa.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi Kombe, Kiongozi wa timu ya Mombo Shooting, Mohamed Dassa, kwa ajili ya timu hiyo iliyopanda daraja kutoka Ligi ya Ngazi ya Wilaya na kuingia Ligi Ngazi ya Mkoa. Kombe hilo pamoja na vifaa vya michezo vimetolewa na Mbunge wa Jimbo la Korogwe Vijijini Steven Ngonyani ‘Maji Marefu’. Picha na Muhidin Sufiani-OMR.

BASATA NA JESHI LA POLISI KUENDESHA PROGRAMU MAALUM YA SANAA SHIRIKISHI KATIKA KUFANIKISHA POLISI JAMII TAREHE 30/01/2012

2012-01-27T12:06:00.003+03:00

Baraza la Sanaa la Taifa (BASATA) kwa kushirikiana na Jeshi la Polisi Tanzania limeandaa programu maalumu ya Polisi Jamii na Sanaa Shirikishi itakayofanyika Jumatatu ya Tarehe 30/01/2012 kwa lengo la kuwaelimisha wasanii, wadau wa sanaa na jamii kwa ujumla kuhusu dhana ya ulinzi shirikishi kupitia Sanaa.

Programu hiyo inatarajiwa kufanyika makao makuu ya BASATA yaliyoko Ilala Sharif Shamba jijini Dar es Salaam ambapo lengo kuu ni kutoa fursa kwa wasaniii, wadau wa Sanaa na wananchi kwa ujumla kujifunza na kuona umuhimu wa matumizi ya Sanaa shirikishi katika kujenga dhana ya ulinzi shirikishi inayoratibiwa na kusimamiwa na Jeshi la Polisi Tanzania.

Aidha, programu hii, inalenga kutoa elimu kwa wasanii na wadau wa Sanaa juu ya mbinu mbalimbali za kutumia Sanaa katika kupambana na vitendo vya kihalifu ili kujenga jamii yenye amani na utulivu.

Ikumbukwe kuwa, BASATA kila Jumatatu limekuwa likiendesha Programu ya Jukwaa la Sanaa ambayo imekuwa ikitumika kama chanzo mahsusi cha habari na elimu kwa wasanii na wadau wa Sanaa. Programu hii ya Polisi Jamii na Sanaa Shirikishi itatumia Jukwaa hili katika kuifikia jamii.

Katika programu hii, vitengo mbalimbali vya Jeshi la Polisi kama Uhamiaji, zima moto, usalama barabarani, udhibiti madawa ya kulevya nk. vinatarajia kushiriki ambapo mbali ya kupambwa na burudani kutoka jeshi hilo itakuwa na kipindi cha maswali na majibu ambapo changamoto na kero mbalimbali kuhusu usalama wa raia zitatolewa ufafanuzi.

Ili kuonesha jinsi sanaa shirikishi ilivyoweza kuleta mabadiliko kwenye dhana ya polisi jamii nchini, Kundi la Sanaa la Lumumba Theatre la jijini Dar es Salaam nalo linatarajia kutoa burudani kemukemu ambazo zitabeba elimu juu ya Sanaa Shirikishi na Polisi Jamii.

Baraza linatoa wito kwa Wasanii na wadau wote wa Sanaa kujitokeza kwa wingi kwenye programu hiyo ili kujifunza mbinu mbalimbali za kufikisha ujumbe kupitia sanaa na hata kuitumia Sanaa katika kujenga jamii yenye utulivu.

Sanaa ni Kazi, kwa pamoja Tuikuze na Kuithamini

Godfrey Lebejo

KATIBU MTENDAJI (K)

AZRA VUYO JACK MTOTO ALIYEZALIWA MAHABUSU NA ANAENDELEA KUKULIA MAHABUSU KWA KOSA LA WAZAZI WAKE WATUHUMIWA KUKUTWA NA MADAWA YA KULEVYA

2012-01-27T12:06:00.000+03:00

Mtoto aliezaliwa gerezani

NA JOSEPH MWAISANGO- MBEYA YETU BLOG

Wakati Tanzania ikiwa imeridhia mkataba wa kimataifa wa kutekeleza na kulinda haki za watoto na kusimamia kwa karibu ulinzi wa haki za binadamu, sasa serikali ina kila sababu ya kuangalia haki za watoto walioko gerezani kwa makosa ya wazazi wao.

Miongoni mwa haki ambazo serikali inapaswa kuchunguza kwa undani na kubainisha kisa kilichosababisha mtoto mdogo wa kike wa miezi sita , Azra Vuyo Jack, ajikute yeye na wazazi wake wakiwa katika mahabusu ya gereza la Ruanda jijini Mbeya wakikabiliwa na tuhuma za kukutwa na dawa za kulevya.

Azra ambaye kwa jina la utani, kwa mujibu wa uchunguzi uliofanywa na Mbeya yetu huko gerezani anaitwa Merryciana au bibi jela jina ambalo limezoeleka zaidi mbali ya jina lake halisi alilopewa na wazazi wake la Azra .

Mtoto huyo wa kike aliendelea kukua katika tumbo la mama yake akiwa gerezani, hatimaye alizaliwa salama Julai 15 mwaka jana katika hospitali ya wazazi meta.

Mama yake ni Anastazia Cloete (27) mwenye asili ya kizungu, raia wa Afrika ya kusini

Cloete alikamatwa mwaka juzi, Novemba katika mpaka wa Tanzania na Zambia , mji mdogo wa Tunduma akiwa mjamzito na kutupwa mahabusu katika gereza hilo hali iliyomfanya aendelee kulea ujauzito wake.

Uchunguzi wa kina uliendelea kufanywa na madaktari wa hospitali hiyo hadi alipojifungua salama.

Uchunguzi wa tukio la mtoto huyo hadi sasa umezusha mwendelezo wa harakati za kihabari na wanaharakati wa haki za binadamu kuona umuhimu wa kuondolewa kwa mtoto huyo ambaye kwa muda wote tangu azaliwe amekuwa akitumia maziwa ya kopo na hanyonyeshwi na mama yake mzazi.

Mmoja wa ya wasamaria wema aliyejitolea kuwahudumia watuhumiwa hao waliyokumbwa na tuhuma za kukutwa na dawa hizo ni Emily Mwaituka ambaye amekuwa akifanya kazi kubwa ili kuhakikisha mtpto anakuwa na afya nzuri kwa kununuliwa makopo mawili ya maziwa kila wiki tangu alipozaliwa julai, mwaka jana.

Mwaituka anasema amekuwa akinunua kopo moja la maziwa ya unga aina ya SMA 1 ambalo huuzwa sh 26000 na anapaswa kununua makopo mawili ili kuweza kumudu mahitaji ya mtoto huyo wa kike ambaye hanyonyi maziwa ya mama yake mzazi anayesubiri hatima ya kesi inayomkabili akiendelea kuwa mahabusu kwenye gereza la Ruanda jijini Mbeya.

Uchunguzi uliofanywa na Mbeya yetu umegundua kuwa Cloete aliyekuwa akisoma nchini kwao katika chuo cha Capetech alijifungua mtoto wa kike miezi sita iliyopita baada ya kushikwa uchungu akiwa mahabusu na kukimbizwa hospitali ya wazazi ya meta.

Cloete ambaye amekuwa akitumia majina mawili kwani alipolazwa katika hospitali hiyo aliandikishwa jina la Anastazia Elizabeth wakati alifikishwa hospitalini hapo kwa uchunguzi akiwa mjamzito Januari 14 mwaka jana na kufunguliwa jarada la matibabu lenye namba 46 – 26 – 83.

Uchunguzi umebaini kuwa raia huyo wa afrika ya kusini na mumewe , Vuyo Jack ( 31 ) waliokamatwa mpakani hapo, aligundulika kuwa mjamzito alipokuwa mahabusu na kuanza kupatiwa matibabu sahihi yaliyosaidia ujauzito wake kukua vizuri.

Wazazi wa mtoto huyo

Habari za ndani zinadai kuwa kwa muda wote huo baada ya ujauzito wake kugundulika alikuwa akipatiwa matibabu chini ya uangalizi wa madaktari na alipofikia hatua za mwisho mjadala mzito ulifanywa na jopo la madaktari walioonyesha mashaka kuwa asingeweza kujifungua kwa njia ya kawaida na kutakiwa afanyiwe upasuaji.

Imeelezwa kuwa daktari bingwa wa magonjwa ya wanawake katika hospitali hiyo Peter Msafiri , alipofanya uchunguzi alibaini kuwa raia huyo hapaswi kufanyiwa upasuaji kwa vile alikuwa na uwezo wa kujifungua bila matatizo.

Dk Msafiri alipohojiwa anasema Cloete alijifungua salama ingawa walitaka kumfanyia upasuaji lakini alipinga hatua hiyo na kudai kuwa anaweza kujifungua salama kwa njia ya kawaida.

Baadhi ya wauguzi wa hospitali hiyo ambao hawakutaka majina yao kutajwa walidai kuwa raia huyo wa Afrika ya Kusini alijifungua mtoto wa kike na kwamba mama yake akiwa mahabusu amekataa kumyonyesha kwa madai kuwa hapati mlo wa kutosha unaomuwezesha kutoa maziwa ya kutosha kwa ajili ya mwanae.

Cloete alilazwa hapo kwa ajili ya uchunguzi , hamnyonyeshi mtoto wake, kweli amejifungua mtoto mzuri wa kike, amesema kuwa hawezi kumnyonyesha na anamlisha maziwa ya kopo akidai kuwa akinyonyesha atakosa nguvu kwa kuwa mahabusu alikowekwa hapati lishe bora anadai muuguzi mmoja.

Miongoni mwa wanaharakati wa haki za binadamu walioguswa na habari za mtoto huyo kuendelea kukaa mahabusu na mama yake kulimgusa. Mchungaji William Mwamalanga, anasema kuwa kitendo cha mtoto huyo kuishi katika mazingira hayo hakuendani na haki za binadamu ambazo Tanzania imeridhia kwenye umoja wa mataifa.

Mwamalanga anasema yeye na wanaharakati wenzake wanaandaa mpango maalumu wa kupigania haki ya mtoto huyo na kuhakikisha kuwa anaondolewa mahabusu baada ya kubainika kuwa amekuwa hanyonyeshwi na mama yake mzazi tangu alipozaliwa kwa madai kuwa hawezi kumnyonyesha kutokana na lishe duni anayopata akiwa mahabusu.

msamalia aliejitokeza kumlea mtoto huyo,Bw. Emily Mwaikuta

Nakushukuru sana kuzisoma taarifa hizi, tunajiandaa ili kuona njia sahihi inayoweza kutusaidia kumtoa mtoto huyo mahabusu na kuiomba serikali iangalie kwa undani shauri hili kupitia kwa mwendesha mashtaka mkuu wa serikali ili kujua haki na stahili za mtoto huyo mchanga vinginevyo tunakiuka haki za watoto na binadamu ambazo Tanzania imeridhia kuzitekeleza, anasema Mwamalanga.

Kumbukumbu za tukio hilo tulizonazo zinaonyesha kuwa raia hao wawili wa Afrika ya Kusini, waliokuwa wakiishi mtaa wa 2A Valley Road – Schaapkraal – Capetown walikamatwa na kilo 42 .5 za dawa za kulevya Novemba 18 mwaka juzi katika mpaka wa Tunduma na kufunguliwa – jalada namba TDM/IR/1763/2010.

Katika tukio hilo ambalo Vuyo na Cloete walinaswa na dawa hizo walizozificha kwenye gari aina ya Nissana Hard body yenye namba za usajili CA – 508 – 656 lililokuwa likimilikiwa na Vuyo Jack waliokuwa wakitokea mkoani Morogoro kuelekea Afrika ya Kusini, Cloete alikuwa akisoma katika chuo cha Capetech.

Kwa mujibu wa taarifa za ndani ambazo zimethibitishwa na Mkemia Mkuu wa Serikali dawa hizo za kulevya ni paketi 26 za cocaine zenye uzito wa kilo 28.5 paketi tatu za Heroine zenye uzito wa kilo 3.25 na paketi nane aina ya Morphine zenye uzito wa kilo 3.25, madawa hayo yote yanathamani ya zaidi ya sh bilioni 1.2.

KAMATI YA BUNGE YA ARDHI, MALIASILI NA MAZINGIRA YAITEMBELEA MAKUMBUSHO YA TAIFA

2012-01-27T10:59:00.000+03:00

Mkurugenzi wa Makumbusho na Nyumba ya Utamaduni Dkt Paul Msemwa akiwakaribisha Waheshimiwa Wabunge wa Kamati ya Ardhi, Maliasili na Mazingira katika jengo la Makumbusho na Numba ya Utamaduni Dar es Salaam.

Na Sixmund J. Begashe wa Makumbusho Tanzania.

Makumbusho ya Taifa imeshauriwa kutunza kumbu kumbu muhimu za urithi unao shikika na usio shikika ambao hauja hifadhiwa hadi sasa na ukiwa hatarini kupotea ili ziweze kunufaisha vizazi vilivyopo na vya baadae.

Ushauri huo umetolewa na Wabunge wa Kamati ya Bunge ya Ardhi, aliasili na Mazingira ilipo tembelea makumbusho ya Taifa ili kujionea Shughuli mbali mbali za kimakumbusho ukiwemo mradi mkubwa wa Makumbusho na Nyumba ya Utamaduni Dar es Salaam uliofunguliwa mwishoni mwa mwakajana na Rais wa Jamuhuri ya Muungano wa Tanzania Dkt Jakaya Mrisho Kikwete.

Akijibu swali la Mbunge wa Viti maalumu CCM Dodoma Mh Mariam S. Mfaki, alipotaka kujua kama Mkumbusho imefanya jitihada zozote za kuhifadhi kazi na taarifa muhumu za wasanii walio liletea sifa Taifa hili akiwemo Hayati Mzee Moris Nyunyusa, Dr Paul Msemwa Mkurugenzi wa Makumbusho na Nyumba ya Utamauni alijibu kuwa Makumbusho imesha fanya jitihada hizo kwani kabla Mzee Moris Nyunyusa hajafariki alisha rekodiwa kwa njia ya sauti na Video, na hata Mzee Nyunyusa kuichangia Makumbusho Ngoma zake tatu kati ya zile kumi na mbili alizokuwa akizipiga, Aitha wasanii kama Marehemu Tinga Tinga kazizao na taarifa zinatakiwa zikusanywe.

Nae Mbuge wa Jimbo la Matemwe Zanzibar Mh Kheri Amer aliishauri makumbusho ifanye utafiti wakina kuhusu historia muhimu zinazo husu utawala wa kisulutani ulio husisha Tanzania Bara na Visiwani ili taarifa hizo ziweze kuwasaidia watanzania kuelewa vyema mahusiano hayo kwa minajili ya kuuimarisha Muungano uliopo kati ya Tanganyika na Zanzibar.

Pamoja na Kuupongeza Uongozi wa Makumbusho kwahatua mbali mbali za kimaendeleo, Kaimu Mwenyekiti wa Kamati hiyo Mbunge wa Mafya Mh Shah aluushauri Uongozi wa Makumbusho kuandaa Programu ya pamoja kati ya Makumbusho zilizopo Zanzibar na Tanzania Bara ili kuimarisha mahusiano ya kimuungano kama ilivyopo sasa katika sekta mbali mbali za Utalii.

Kaimu Mkurugenzi Mkuu wa Makumbusho Tanzania, Bw Jackson Kihiyo, aliishukuru kamati hiyo kwa kutembelea Shirika la Makumbusho ya Taifa na kwa michango ya wanakamati na kuahidi kuwa Makumbusho itayatekeleza yaleyote yaliyo shauriwa na kamati hiyo.

Kamati ya Bunge ya Ardhi, Maliasili na Mazingira walipata nafasi ya kutembelea kituo cha Makumbusho na Nyumba ya Utamaduni na cha Kijijicha Makumbusho ambapo walipata nafasi ya kujionea shughuli mbali mbali za Makumbusho hizo zikiwemo za Uhifadhi, Uelimishaji, Uridhishaji kwa kupitia kumbi mbali ukiwemo ule wa Kisasa wa Maonesho ya Sanaa za Jukwaani.

Kaimu Mkurugenzi wa Makumbusho Tanzania Bw Jackson Kihiyo akikaribisha na kuelezea Kazi, Mafanikio na Changamoto zinazoikabili Shirika la Makumbusho kwa Wabunge wa Kamati ya Ardhi, Maliasili na Mazingira.

Katikati ni Kaimu Mwenyekiti wa Kamati ya Bunge ya Ardhi, Maliasili na Mazingira na Mbunge wa Mafya Mh Shah akiushukuru Uongozi wa Makumbusho Tanzania na kuushauri, kushoto ni Kaimu Katibu Mkuu wa Wizara ya Maliasili na Utalii na Mkurugenzi wa Idara ya Utalii Bw Hibrahumu Mussa na kulia ni Kaimu mkurugenzi Mkuu wa Makumbusho Tanzania Bw Jackson Kihiyo.

Wabunge wa Kamati ya Ardhi, Maliasili na Mazingira wakiwa kwenye kikao na Uongozi wa Makumbusho Tanzania katika ukumbi wa Makumbusho na Nyumba ya Utamaduni Dar es Salaam.

Kaimu Mwenyekiti wa Kamati ya Bunge ya Aridhi, Maliasili na Mazingira na Mbunge wa Mafya Mh Shah akiangalia Sanamu sinazo elezea Biashara za watumwa na Maliasi zetu, zilizopo katika Ukumbi wa Historia wa Makumbusho na Nyumba ya Utamaduni Dar es Salaam.

Mkurugenzi wa Makumbusho na Nyumba ya Utamaduni Dkt Paul Msemwa akifafanua jambo kwa Waheshimiwa Wabunge wa Kamati ya Ardhi, Maliasi na Mazingira juu ya Fuvu la binadamu wa kale Zinj anae sadikika aliishi miaka milioni 1.75 iliyo pita.

Mbunge wa Viti maalumu CCM Mbeya Mh Dr Mary Mwanjelwa akiulizia jambo juu ya kionyweshwa katika Ukimbi wa Baiolojia wa Makumbusho na Nyumba ya Utamaduni Dar es Salaam, katikali ni Mbunge wa Matemwe Zanzimbar Mh Kheri Amer na kulia ni Afisa Tawala wa Shirika la Makumbusho Bw Fredrick Mwakalebela.

Mbunge wa Kowaani Zanzibar Mh Amina E Clement akiulizia jambo juu ya Magari ya Kihistoria yaliyohifadhiwa Makumbusho na Nyumba ya Utamaduni Dar es Salaam, kulia ni Mkurugenzi wa Makumbusho na Nyumba ya Utamaduni Dkt Paul Msemwa.

Waheshimiwa Wabunge wa Kamati ya Ardhi, Maliasili na Mazingira wakifurahia uzuri wa Ukumbi wa Kisasa wa Maonesho ya Sanaa za Jukwaani Uliopo Makumbusho na Nyumba ya Utamaduni Dar es Salaam.

WAKUU WA VYOMBO VYA ULINZI NA USALAMA ZANZIBAR WAKUTANA NA KUAZIMIA KUKAMATANA WENYEWE KWA WENYEWE WANAPOVUNJA SHERIA ILI IWE MFANO KWA RAIA

2012-01-27T10:37:00.002+03:00

Na Mwandishi wa Jeshi la Polisi –Zanzibar

Wakuu wa Vyombo vya Ulinzi na Usalama Zanzibar, wamekutana na kujadili masuala mbalimbali ya kiusalama na kutilia mkazo suala la utii wa sheria bila shuruti kwa maafisa na askari wa vyombo hivyo.

Afisa Habari wa Jeshi la Polisi Zanzibar Inspekta Mohammed Mhina, amesema kuwa pamoja na mambo mengine maafisa hao pia wamekubaliana kuwasimamia kwa karibu waliochini yao ili kuepuka kufanya vindendo viovu vikiwemo vya uvunjifu wa sheria mbele za raia.

Akizungumza katika mkutano huo, Mwenyekiti wake ambaye pia ni Kamanda wa Polisi Mkoa wa Mjini Magharibi Zanzibar ACP Aziz Juma Mohammed, amesema kuwa watumishi wa vyombo vya ulinzi na usalama ni miongoni mwa watu muhimu wanaopashwa kutii sheria ili kuonyesha mfano kwa mwananchi.

Kamanda Aziz amesema kuwa pamoja na kutolewa kwa amri ya uvaaji wa kofia ngumu kwa askari wanapoendesha pikpiki lakini baadhi ya maafisa na askari wamekuwa wakikaidi amri hiyo ambayo pia ni sehemu ya sheria mama na kuendelea kuendesha vyombo hivyo bila ya kuwa na kofia za kujikinga na ajali.

“Tukienda mbele, huko tunaweza tukajikuta kwamba sisi ni sehemu kubwa ya watu ambao hatutii sheria ingawa tulitegemewa sana tusimamie sheria lakini kinyume chake sisi tunaangukia kwenye kundi la wale ambao wasiotii sheria”. Alisema Kamanda Aziz.

Katika mkutano huo, Makamanda hao walionyeshwa picha za video za askari waliochini yao kutoka majeshi na vikosi vyote vya Ulinzi na Usalama Visiwani Zanzibar wakiwa wanavunja sheria mbalimbali zikiwemo za kuendesha pikipiki huku wakiwa na sare za kazi bila ya kufuata sheria na taratibu za usalama barabarani.

Naye Mkuu wa Rada za KMKM Kamanda CDR Mohammed Mussa Seifu, amesema kuwa amri ilishatoka kuwa ni marufuku kwa Askari wa Jeshi ama Kikosi chochote kuonekana akiendesha pikipiki bila ya kuvaa kofia ngumu za kujikinga na ajali.

Amesema katika hilo kama mtu atakamatwa hakuna kiongozi atakayejitokeza kumsaidia mtu huyo na hivyo ni kazi ya Askari wa Usalama barabarani kuhakikisha kuwa wanamchukulia hatua mtu yeyote atakayevunja sheria ya usalama barabarani bila kujali kama ni askari ama Raia wa kawaida.

Kwa upande wake Mkuu wa Polisi Viwanja vya Ndege Zanzibar ASP Omari Khamis Abdallah na Luten Kamanda wa KMKM LCDR Khamis Khamis, wamewataka askari wa usalama barabarani kuanza kuwachukulia hatua kali wenzao wanaovunja sheria ili kuonyesha utii wa sheria za nchi mbele ya raia na kuonyesha mfano.

Wametaka kila kiongozi sehemu ya kazi kuhakikisha kuwa waliochini yake wanafuata sheria na taratibu sio tu za usalama barabarani bali pia na kuzingatia na kusimamia sheria mbalimbali ili iwe rahisi kumkamata na kumchukulia hatua raia wa kawaida.

Mbali ya Vikao vya kawaida vya Ulinzi na Usalama, Viongozi hao pia wameazimia kukutana kila baada ya miezi mitatu ili kujadili na kuyapatia ufumbuzi mambo mbalimbali zikiwemo kero na mataizo yanayojitokeza kwao na kwa watendaji waliochini yao.

Mkutano huo ambao umefanyika Makao Mkuu ya Polisi Mkoa wa Mjini Magharibi, pia umehudhuriwa na Maafisa kutoka Jeshi la Wananchi wa Tanzania (JWTZ), Jeshi la Polisi, Uhamiaji, Usalama wa Taifa, Jeshi la Kujenga Uchumi (JKU) Kikosi cha Kuzuia Magendo (KMKM), Kikosi cha Valantia (KVZ), Mafunzo (MF)na Zimamoto na Uokoaji (KZU).

mbonji la nguvu juu ya Kaburi

2012-01-27T01:44:00.000+03:00

Jamaa akiwa amepiga usingizi mzito kwenye moja ya makabuti ya Kinondoni jijini Dar kama alivyokutwa na Paparazi wa Mtaa kwa Mtaa Blogu.

mambo ya uegeshaji mbaya wa magari jijini dar

2012-01-27T01:14:00.000+03:00

Inakuwaje siku umeweka gari katika sehemu kama hii halafu umetoka mara moja kwenda dukani na unaporudi unakuta gari yako imewekwa chuma kwenye tairi huku kwenye kioo cha mbele ukiona karatasi lililoandikwa faini ya kulipia kwa kuegesha gari hilo eneo hilo kama ionekanavyo picha hii,halafu na wewe ulikuwa unaharaka ya kwenda sehemu ambayo kuna jamaa ambaye umempiga changa kwa kumwambia uko njiani unaelekea kwake halafu kumbe ngoma ndio iko namna hii.

ubebaji huu wa Kuku tunauongeleaje jamani??

2012-01-27T01:06:00.000+03:00

Timu ya Bunge FC yakipiga na Twiga Stas kwenye uwanja wa Karume jijini Dar

2012-01-27T00:50:00.000+03:00

Waziri wa Habari, Vijana, Utamaduni na Michezo, Emmanuel Nchimbi, akipeana mkono na mshambuliaji wa Twiga Stars, Mwanahamis Omari kabla ya mchezo wa timu ya Bunge Fc na timu ya Taifa ya Wanawake ‘Twiga Stars’, ambao ulikuwa ni maalumu kuichangia timu hiyo uliofanyika kwenye Uwanja wa Karume jijini Dar es Salaam. Twiga Stars imeshinda 2-1..

Wachezaji wa Bunge SC, Halima Mdee na William Ngeleja, wakibadilishana mawazo kabla ya kuanza kwa mchezo.

Naibu Waziri wa Maendeleo ya Jamii, Jinsia na Watoto, Ummy Mwalimu, akizungumza kabla ya kukabidhi kitita cha sh. milioni 7 kwa wachezaji wa Twiga Stars.

Nahodha wa timu ya Twiga Stars, Sophia Mwasikili, akionesha kitita cha sh. milioni 7 baada ya kukabidhiwa na Naibu Waziri, Ummy Mwalimu (kulia).

Mlinzi wa timu ta Twiga Stars, Siajabu Hassan akimtoka mshambuliaji wa Bunge SC, Adam Malima.

Mshambuliaji wa Bunge SC, Sadifa Juma Khamis akimtoka beki wa Twiga, Fatuma Khatib.

Mshambuliaji wa timu ya Bunge SC, Adam Malima akimtoka beki wa timu ya Twiga Stars, Siajabu Hassan wakati wa mchezo wa hisani ambao ulikuwa ni ni maalumu kwa kuichangia timu ya Twiga Stars uliofanyika kwenye Uwanja wa Karume jijini Dar es Salaam. Twiga Stars imeshinda 2-1.

Nahodha wa timu ya Twiga Stars, Sophia Mwasikili.Picha na Francis Dande.

LADY IN RED 2012

2012-01-27T00:47:00.000+03:00

mama wa mitindo ASIA IDAROUS KHAMSIN ambae ametimiza maonesho ya mavazi 100 kwa tanzania tu mbali ya nchi za nje , yeye na team yake watazindua kituo maalum cha kusaidia waathirika wa dawa za kulevya kiitwacho KIKALE YOUTH CARE GROUP kinachotayarishwa huko maeneo ya kikale walaya ya rufiji.

siku ya tarehe 10 feb katika onyesho la mavazi lenye hadhi duniani liitwalo LADY IN RED 2012 ambalo hufanyika kila mwaka , hili ni onyesho la saba mfululizo tokea limeanza .

ASIA hufanya kazi zake tanzania na marekani za ubunifu wa mitindo onyesho la lady in red kwa mwaka huu litafanyika tanzania na marekani , karibuni wote kiingilio ni 50,000 kwa vip na 20,000 kawaida kutakua na live band na after party itfanyika nyumbani lounge.

Rais wa Zanzibar akutana na uongozi wa Wizara ya Uwezeshaji wananchi Kiuchumi na Ushirika

2012-01-27T00:20:00.000+03:00

Rais wa Zanzibar na Mwenyekiti wa Balaza Mapinduzi,Dk.Ali Mohamed Shein,akiingika katika ukumbi wa mikutano Ikulu Mjini Zanzibar,ili kuzungumza na Uongozi wa Habari,Utamaduni Utalii na Michezo,katika hatua zake za utekelezaji wa kazi za Wizara hiyo,katika ukumbi wa Ikulu Mjini Zanzibar jana.

Watendaji wa Uongozi wa Wizara ya Uwezeshaji Wananchi,Kiuchumi na Ushirika,wakimasikiliza Rais wa Zanzibar na Mwenyekiti wa Balaza Mapinduzi,Dk.Ali Mohamed Shein,alipozungumza nao katika ukumbi wa mikutano Ikulu Mjini Zanzibar katika hatua zake za utekelezaji wa kazi za Wizara hiyo jana.Picha na Ramadhan Othman IKULU.

Heri ya Siku ya Kuzaliwa Mdau Hanifa Ismail

2012-01-27T00:02:00.000+03:00

Leo ni siku ya Kuzaliwa ya mdau wa Libeneke letu hili la Mtaa kwa Mtaa afahamikae kwa jina la Hanifa Ismail ambaye ni Mwanafuzi wa Chuo kikuu cha Mtakatifu Augustino kilichopo jijini Mwanza akichukua Shahada ya Uchumi mwaka wa tatu.Blogu hii inachukua fursa hii kumtakia mafanikio mema katika masomo yake na maisha yake yote kwa ujumla.

Airtel yatoa msaada wa vitabu kwa shule 4 za secondari mkoani Kilimanjaro

2012-01-26T23:56:00.000+03:00

Afisa Uhusiano wa kampuni ya simu za mikononi ya Airtel ,Jane Matinde akikabidhi vitabu kwa Mkurugenzi Mtendaji wa halmashauri ya Wilaya ya Siha,Bw.Rashid Kitambulo,kwa niaba ya shule nne zilizokabidhiwa vitabu hivyo vyenye thamani ya shilingi milioni moja kwa kila shule,shule hizo ni Oshara,Magadini,Kilingi pamoja na shule ya sekondari ya Namwai,zilizoko Wilaya ya Siha,Mkoani Kilimanjaro,(kulia) ni Mkuu wa shule ya Sekonri ya Oshara, Bw.Elieta Kaaya pamoja na meneja mauzo wa Airtel bw. Pascal Bikomagu.hafla hiyo ya makabidhiano iliyofanyika shule ya sekondari Oshara jana.

Mkurugenzi Mtendaji wa halmashauri ya Wilaya ya Siha,Bw.Rashid Kitambulo(kulia) akimkabithi vitabu kwa Mwalimu mkuu wa shule ya sekondari Namwai Humphrey Kirumbuyo(mwenye suti) na wanafunzi Felister Mwanga na Hamidu Yusuph Lule msaada uliotolewa na kampuni ya simu za mkononi ya Airtel chini ya mpango wake wa shule yetu, Akishuhudia makabithiano hayo ni Afisa uhusiano wa Airtel Jane Matinde. hafla hiyo ya makabidhiano iliyofanyika shule ya sekondari Oshara jana.

Mkurugenzi Mtendaji wa halmashauri ya Wilaya ya Siha,Bw.Rashid Kitambulo akizungumza na kuishukuru kampuni ya Airtel kwa msaada mkubwa wa vitabu ilioutoa kwa shule nne za sekondari zailizopo wilayani hapo, mwisho kushoto ni Mwalimu mkuu wa sekondari ya Oshara Elieta Kaaya akifatiwa na wawakilishi wa Airtel Pascal Bikomagu na Jane matinde (kulia) ni Afisa Elimu Taaluma wa sekondari Wilaya ya Siha,Bw. Mussa Shaban Ally.hafla hiyo ya makabidhiano iliyofanyika shule ya sekondari Oshara jana.

Airtel yatoa msaada wa vitabu shule 4 za secondari wilaya ya SIHA - Kilimanjaro Chini ya mpango wake wa Airtel Shule Yetu kampuni ya simu za mkononi ya Airtel imetoa vitabu vya ziada na kiada kwa shule 4 za sekondari zilizoko wilaya ya Siha ili kusaidia maendeleo ya elimu wilayani hapo.

Hafla hiyo fupi imefanyika katika shule ya sekondari Oshara ambapo shule zilizonufaika na msaada huo ni za sekondari ya Oshara,Kilingi,Magadini na Namwai zote za wilayani humo ambapo wawakilishi wa shule hizo walikabidhiwa msaada huo na Mkurugenzi wa Mtendaji wa halmashauri ya wilaya ya Siha bw, Rashid Kitambulo ambaye alikabidhiwa vitabu hivyo na Afisa Uhusiano wa kampuni ya airtel bi, Jane Matinde. kila shule imepewa msaada wa vitabu vyenye thamani ya shilling milio moja.

Akiongea katika hafla ya makabithiano iliyofanyika katika shule ya sekondari Oshara Afisa Uhusiano wa Airtel Tanzania Jane Matinde alisema" Airtel kwa kupitia programme ya shule yetu imeweza kuwafikia wanafunzi wengi na shule nyingi nchini Tanzania na leo tunafurahi kuwa sehemu ya maendeleo ya shule hizi 4 za sekondari wilayani Siha na kuweza kuchangia vitabu zitakavyotumika katika kufundishia na kuwa nyenzo muhimu kwa walimu na wanafunzi wa shule hizi"

"Tutaendelea kushirikiana na Serikali chini ya Wizara ya Elimu katika kuinuia na kuboresha kiwango cha elimu nchini kwani tunatambua elimu ndio ufunguo wa maisha na vijana ndio nguvukazi ya kesho" Aliongeza Matinde.

Mgeni rasmi katika halfa hiyo Mkurugenzi wa halmashauri ya wilaya ya Siha bwana Kitambulio Rashidi alisema tunayo fuhara kuona Airtel inajitoa katika kusaidia kuinua kiwango cha elimu nchini, moja kati mikakati ya elimu halmashauri yetu iliyojiwekea ni kuhakikisha kwamba kila nyumba moja ya mkazi wa siha anatoka graduate na ili kufikia malengo yake kuna mahitaji ya vitabu vya kufindishia, tunashukuru sana Airtel kwa kutusaidia katika kutimiza malengo tuliojiwekea Bw Rashidi pia alichukua fulsa hiyou kuwaasa wanafunzi kuvitumia vizuri vitabu hivyo ili vilete matokeo vizuri kwa wanafunzi na kufikia lengo halmshauri hiyo iliyojiwekea

Kwa upande wake Afisa Elimu Taaluma wa sekondari wilaya ya Siha Mussa Shaabani Ally wameishukuru Airtel kwa kuwawezesha vitendea kazi na kuongeza kuwa wilaya hiyo mpya bado inakabiliwa na changamoto nyingi katika elimu hivyo kuiomba kampuni hiyo kuendelea kuisaidia katika mambo mengine.

Kampuni ya simu za mkononi ya Airtel imekuwa ikitoa misaada mbalimbali kama vile Vitabu vya shule ya sekondari, wiki iliyopita Airtel ilitoa msaada wa kutoa computer 4 kwa shule ya sekondari mlangarini iliyoko wilaya ya Arumeru mkoani na pia kuchangia katika sekta ya afya ambapo Airtel iligawa baskeli kumi kwa vituo vya afya wilayani misungwi Mkoani Mwanza. Hii ikiwa nikatika kurudisha faida inayoipata na kuchangia katika huduma kwa jamii.

World Economic Form in Davos

2012-01-26T22:25:00.000+03:00

President Jakaya Kikwete take part in in discussions on "Africa-from Transition to Transformation" held at the Davos Congress centre in the on-going World Economic Forum at the Swiss mountainous resort of Davos.Others from left are President Alpha Conde of Guinea, Prime Minister Raila Odinga of Kenya, Prime Minister of Ethiopia Mr Meles Zenawi, President Jacob Zuma of South Africa and the moderator former British Prime Minister Mr Gordon Brown.

President Jakaya Kikwete with other leaders shortly before taking part in discussions on "Africa-from Transition to Transformation" held at the Davos Congress centre in the on-going World Economic Forum at the Swiss mountainous resort of Davos. Others from left are Prime Minister of kenya Mr Raila Odinga,Nigeria's Finance Minister Ms Ngozi Okonjo-Iweala, Prime Minister of Ethiopia Mr Meles Zenawi,President of South Africa Mr Jacob Zuma, President of Guinea Mr alpha Conde, Mrs Sarah Brown and Former British Prime Minister who was the moderator of the discussion Mr Gordon Brown.Photo by State House

KATIBU MKUU WA UN ATANGAZA MADABILIKO YA UONGOZI UN

2012-01-26T20:16:00.000+03:00

Katibu Mkuu wa Umoja wa Mataifa, Ban Ki Moon, akizungumza na Mabalozi wanaoziwakilisha nchi zao katika Umoja wa Mataifa, katika mkutano uliofanyika siku ya jumatano na kuhudhuriwa pia na Naibu Katibu Mkuu, Asha-Rose Migiro, Katika Katibu Mkuu alianisha Mpango Kazi wa miaka mitano pamoja na vipaumbele vitano. baadhi ya vipaumbele hivyo, ni pamoja na uwezeshaji wa wanawake ili waweze kushika nafasi za uongozi za kisiasa halikadhalika kuwawezesha kiuchumi pamoja na kushughulika masuala ya vijana.Kuzihamasisha nchi kupinga kwa nguvu zote ukatili dhidi ya wanawake na watoto. Kusimamia maendeleo endelevu na utekelezaji wa Malengo ya Maendeleo ya Millenia, mabadiliko ya tabia nchi, kuimarisha utoaji wa huduma za dharura na misaada ya kibinadamu, kuzisaidia nchi ambazo zimetoka katika migogoro na kusimamia suala zima la upokonyaji wa silaha. Mara baada ya mazungumzo yake na Mabalozi,Ban Ki Moon alikutana na waandishi wa Habari ambapo pia alielezea vipaumbele hivyo na pia kutangaza mabadiliko makubwa ya safu ya uongozi katika Sekretarieti ya Umoja wa Mataifa. Akielezea mabadiliko hayo, Ban Ki Moom aliwaambia waandishi kwamba, Naibu Katibu Mkuu Migiro pamoja na Msimamizi Mkuu wa Ofisi yake Bw. Vijay Nambier wamewasilisha kwake ombi la kuachia nafasi zao ili kumpisha kuunda safu mpya ya wasaidizi wake. Katika mabadiliko hayo wapo pia maafisa waandamizi kutoka Idara na Mifuko ya Umoja wa Mataifa, ambao nao pia wataachia nafasi zao. wengi wao ni wale ambao wamefanya kazi na Katibu Mkuu katika miaka mitano ya kwanza ya uongozi wake.

Na Mwandishi Maalum

New York

Katibu Mkuu wa Umoja wa Mataifa, Ban Ki Moon ametangaza kuwapo kwa mabadiliko makubwa katika safu ya uongozi ndani ya Sekretarieti ya Umoja wa Mataifa.

Akizungumza na waandishi wa habari siku ya jumatano hapa Makao Makuu ya Umoja wa Mataifa,mara baada ya kuainisha Mpango Kazi na Vipaumbele vya miaka mitano ya mwisho ya uongozi wake. Ban Ki Moon amethibitisha kwamba Naibu Katibu Mkuu, Dkt. Asha- Rose Migiro atamaliza muda wake akiwamo pia Bw. Vijar Nambiar ambaye ni Mkuu wa Ofisi yake ( Chef de Cabinet).

“ Kama mlivyotangaziwa mwishoni mwa mwaka jana kuhusu mabadiliko yanayotarajiwa katika nafasi za watendaji waandamizi. Ningependa kuongezea na kuwajulisha kwamba, Naibu Katibu Mkuu, Bibi.Migiro na Bw. Vijar Nambiar wamewasilisha kwangu maombi yao ya kutaka kuachia nafasi zao , ili kuniruhusu kuunda timu mpya ya maafisa waandamizi nitakaofanya nao kazi katika awamu ya pili ya uongozi wangu” akasema Ban Ki Moon.

Na kuongeza “ Ninapenda kutoa shukrani zangu za dhati kabisa kwa Naibu Katibu Mkuu, Asha- Rozi Migiro, kwa uamuzi wake huo, na kwa kazi nzuri na ushirikiano mkubwa na usio na shaka wala doa alionipatia katika kipindi chote miaka mitano iliyopita akiwa msaidizi wangu wa karibu.

“ Amenipatia ushirikiano mzuri sana, alinishauri kwa busara na amejituma sana na kwa kuadilifu mkubwa katika kukabiliana na changamoto nyingi zilizoikabili Taasisi hii wakati wa awamu yangu ya kwanza ya uongozi” akasisitiza Ban Ki Moon.

Katibu Mkuu wa UM, akawaeleza waandishi wa habari kwamba, Naibu Katibu Mkuu, Migiro ataendelea kuwapo ofisini hadi mwezi wa sita mwaka huu ili kuratibu na kusimamia kipindi cha mpito pamoja na maandalizi ya Mkutano wa Kimataifa wa Maendeleo Endelevu (RIO+20).

Kwa mujibu wa Ban Ki Moon, pamoja na Migiro kuwasilisha ombi lake wapo pia baadhi ya watendaji waandamizi ambao nao wameonyesha nia ya kuachia nafasi zao ili kupisha menejimenti mpya.

Miongozi mwa maafisa hao ni pamoja na kama ilivyoelezwa awali ni Msimamizi Mkuu wa Ofisi yake Bw. Vijay Nambiar ambaye katika muda muafaka atapewa kazi ya kuwa mshauri wa Katibu Mkuu kuhusu Mynmar.

Watendaji wengine watakaondoka na ambao wengi wao walikuwa katika awamu ya kwanza ya uongozi wa Ban Ki Moon ni kutoka Idara za Utawala, Maendeleo, Huduma za Mikutano, Habari, Ofisi ya Opokonyaji wa silaha, na Mshauri wa Masuala ya Afrika.

Wengine ni wasimamizi wa Idara za Uchumi za Afrika na Ulaya, waratibu wa mifuko ya maendeleo na Idadi ya watu UNDP na UNFPA. Aidha wamo pia wawakilishi maalum wa Katibu Mkuu wanaohusika na masuala ya watoto katika migogoro ya kivita, na uzuiaji wa mauaji ya kimbali, ambao wanatarajiwa kuachia nafasi zao kati kati ya mwaka huu.

Akaeleza pia kwamba mchakato wa kujaza nafasi Nane zitakazoachwa wazi katika ngazi za ukatibu mkuu msaidizi (Under-Secretary General) umekwisha anza .

Akasema ujazaji wa nafasi hizo ambao utakuwa wa uwazi utazingatia sana sifa na uwezo wa mtu, uwiano wa kikanda na jinsia

Sauti za Busara: Siku Nne za Shangwe za Muziki wa Kiafrika

2012-01-25T23:51:00.000+03:00

Baada ya kupokea maombi zaidi ya 560 kutoka vikundi mbalimbali ambavyo vinataka kufanya maonyesho yao katika tamasha la tisa la Sauti za Busara, hatimaye vikundi 31 vimechaguliwa kufanya maonyesho katika tamasha la tisa la sauti za busara ambalo limepangwa kufanyika kuanzia tarehe 8 mpaka 12 Februari katika ukumbi wa kihistoria wa Ngome Kongwe, Zanzibar.

Orodha ya wasanii imejumuisha wasanii mashuhuri kutoka Afrika Mashariki, Nigeria, Sudan,Cape Verde, Afrika Kusini, Kongo Brazaville,Comoro, Madagaska na kutoka Visiwa vya ushelisheli. Wasanii watakaopanda jukwaani ni Nneka (Nigeria),Tumi&The Volume (South Africa), Fredy Massamba(Congo), FM Academia (Tanzania) na Super Mazembe (Kenya).

Matukio mbalimbali ya ziada ya busara yataanza jumatano ya tarehe 8, milango itafunguliwa kwa matukio mbalimbali. Mji mkongwe utakuwa na maonyesho ya vikundi mbalimbali kama Nadi Ikhwan Safaa (aka Malindi Taarab), Maulidi ya Homu ya Mtendeni,Black Roots, Culture Musical Club na wengineo wengi.

Tamasha litafunguliwa na maandamano ya aina yake siku ya Alhamisi tarehe 9 Februari 2012 ambayo yataanzia katika viwanja vya Kisonge (Michenzani). Vikundi vitakavyoshiriki ikiwemo Kozman Ti Dalon,beni brass, kikundi cha wanawake cha mwanandege,wacheza kapoera na sarakasi, maandamano yatazunguka katika baadhi ya mitaa na kumalizikia Mji Mkongwe katika ukumbi wa Ngome Kongwe kwa ufunguzi rasmi wa tamasha la tisa.

Siku ya kwanza ya ufunguzi itapambwa na burudani kutoka kwa vikundi vifuatavyo Swahili Vibes, Shirikisho Sanaa,Tandaa Traditional group, Wanafunzi wa SOS (vyote kutoka Zanzibar), Mkota Ngoma kutoka Pemba na Ary Morais kutoka Cape Verde.

Siku ya pili tarehe 10 ijumaa, itapambwa na mkongwe wa taarab mwenye historia Afrika mashariki Bi Kidude kutoka Zanzibar na Ogoya Nengo kutoka Kenya. Wasanii wengine ambao watafanya onyesho siku hiyo ni Hanitra (Madagascar), Camirata Group (Sudan), Tausi Women’s Taarab na Utamaduni JKU (Zanzibar), Kozman Ti Dalon (Reunion), Fredy Massamba (Congo) na Super Mazembe (Kenya).

Jumamosi kutakuwa na mpambano wa vikundi vya mchiriku kutoka katika mitaa ya Dar es Salaam,Tanzania,Seven survivor na Jagwa Music, vikitanguliwa na Tunaweza Band (Tanzania), Ndere Troupe (Uganda), Jembe Culture Group (Tanzania), Camirata Group (Sudan) pamoja na Nneka,mwanadada kutoka Nigeria na mshindi wa tuzo ya MOBO ya mwaka 2009 ya mwanamuziki bora wa Afrika.

Jumapili tarehe 12 tutatumbuizwa na Qwela (Uganda), Leo Mkanyia (Tanzania), Lumumba Theatre Group (Tanzania), Chebli Msaidie (Comoros), Kidumbaki JKU (Zanzibar), Tumi & The Volume (South Africa) na FM Academia (Tanzania).

Siku ya jumapili ya tarehe 12, siku ya mwisho ya tamasha, tamasha litafungwa Qwela (Uganda), Leo Mkanyia (Tanzania), Lumumba Theatre Group (Tanzania), Chebli Msaidie (Comoros), Kidumbaki JKU (Zanzibar), Tumi & The Volume (South Africa) na FM Academia (Tanzania).

Kutakuwa na maonyesho ya filamu za muziki wa taarab, hiphop, kuduro na bongo flava,ambazo zitaonyeshwa kila siku kuanzia saa moja mpaka saa sita usiku, filamu zitakwenda sambamba na maonyesho ya muziki, upande wa pili wa ukumbi wa Ngome Kongwe.

Pati ya mwisho ya tamasha itafanyika siku ya wapendanao (Valentine Day) katika hotel ya Kendwa Rocks, kaskazini mwa zanzibar, kwa ajili ya wafanyakazi, waandishi wa habari na marafiki wa Busara.

Kuhusu Sauti za Busara

Sauti za Busara inawapa fursa wanamuziki wa ndani kujifunza muziki kutoka sehemu mbalimbali za Afrika na wakati huo huo kuutambulisha muziki wa Afrika mashariki kwa wageni. Katika jamii yoyote fursa kama hii ni chache mno. Sauti za Busara inaandaa tamasha la mfano wa kuigwa kwa wenyeji na wageni, thamani ya kipekee na utajiri wa muziki kutoka Afrika. Inaonyesha uzuri wa utamaduni wetu katika ajira na kuongeza kipato.

Sanaa, warsha za ufundi na semina ni sehemu ya shughuli muhimu za Busara, lengo kuu ni kwa wanamuziki,wataalamu wa vyombo vya habari, mameneja wa sanaa na wafanyakazi wa sanaa. Warsha hizi zinasaidia kuongeza ujuzi na maarifa wa muda mrefu kwa watu wa Afrika mashariki.

Wadhamini wa Tamasha

Sauti za busaraa 2012 linawezeshwa na: The Norwegian Embassy, HIVOS, Mimeta, Roskilde Festival Charity Society, Goethe Institut, The Embassy of France, Grand Malt, Toyota,Commercial Bank of Africa,African Leisure Centre, fly540, Memories, Zanzibar Grand Palace Hotel, Maru Maru Hotel, SMOLE II, Zanlink, Azam Marine, ZanAir, fRoots, Times FM,WOMEX, Multi-Color Printers, Ultimate Security, Southern Sun Dar es Salaam,Tabasam Tours, Emerson Spice, Monsoon Restaurant, Mercury's Restaurant,Archipelago Restaurant, Stone Town Café, www.zanzibar.net.

Dkt. Shein akutana na Uongozi wa Wizara ya Biashara,Viwanda na Masoko Ikulu Zanzibar leo

2012-01-25T17:08:00.000+03:00

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,akizungumza na Uongozi wa Wizara ya Biashara,Viwanda na Masoko katika hatua zake za utekelezaji wa kazi za Wizara hiyo,katika ukumbi wa Ikulu mjini Zanzibar.

SUPER D AWANG'ARISHA MAKOCHA WENZIE NCHINI BAADA YA KUHITIMU MAFUNZO YA KIMATAIFA

2012-01-25T15:40:00.000+03:00

Mkufuzi Mkuu wa Makocha wa ngumi toka Chama cha Mchezo wa Ngumi za Ridhaa Duniani ( AIBA) Joseph Diouf (kulia) akimkabidhi cheti cha kufuzu ukocha wa mchezo wa ngumi Kimataifa , Rajabu Mhamila 'Super D' wakati wa ufungaji wa mafunzi hayo yaliyofanyika Kibaha Mkoa wa Pwani katikati ni Katibu Mkuu wa Shirikisho la ngumi za Ridhaa Nchini Makore Mashaga na kushoto ni Kocha wa Timu ya Polisi Mohamedi Hashimu.

Baadhi ya makocha wa mchezo wa ngumi wakiwa katika picha ya pamoja baada ya kukabidhiwa vyeti vyao wakati wa mafunzo ya kimataifa ya chezo huo yaliyomalizika Kibaha Mkoa wa Pwani Jana huku wakiwa wameng'alishwa na flana zilizotolewa na SUPER D BOXING COACH kama zawadi kwa makocha hao nnchini.

Baadhi ya Makocha wa mchezo wa ngumi wakiwa katika picha ya pamoja na vyeti vyao baada ya kuitimu mafunzo ya kimataifa ya mchezo huo yaliyokuwa yakifanyika Kibaha Mkuza Mkoa wa Pwani.

Jamaa akipiga bafu kwa maji machafu

2012-01-25T15:33:00.000+03:00

Kuna Mdau ameniomba niirudie picha hii ya huyu jamaa aliyekuwa akipiga bafu kwa maji machafu yanayotoka kwenye bomba linalotoka kwenye kiwanda cha Kampuni ya bia nchini (TBL) maeneo ya mchikichini Ilala jijini Dar es Salaam.

Yvonne Chaka Chaka Becomes First African Woman to Receive World Economic Forum's Crystal Award

2012-01-25T14:59:00.000+03:00

Yvonne Chaka Chaka, renowned singer-songwriter and Goodwill Ambassador for the Roll Back Malaria Partnership, has become the first African woman to receive the World Economic Forum's Crystal Award. The Award is given each year to successful artists who have used their art to 'improve the state of the world', according to the Forum.

Ms Chaka Chaka was presented with the award during the opening ceremony of the Forum's Annual Meeting in Davos, Switzerland by Hilde Schwab, co-founder of the Schwab Foundation for Social Entrepreneurs. During the presentation, Ms Schwab commended Ms Chaka Chaka for her tireless work for major global health issues affecting women and children, in particular malaria control.

‘The theme for this year's Davos meeting, The Great Transformation: Shaping New Models, confronts today's global leadership challenge that requires new models, bold ideas and personal courage to ensure that this century improves the human condition rather than caps its potential' said Ms Schwab. 'Yvonne Chaka Chaka is someone who delivers these qualities. For many years Yvonne has used her voice to draw attention to the causes that will change the lives of millions - from ending apartheid to improving maternal and child health. Yvonne has clearly understood her opportunities to do good and the access her powerful voice allows, through both song and conversation, to reach and influence those who can act. The World Economic Forum is honoured to present her the Crystal Award.'

The Crystal Awards initiative came from a suggestion to Klaus Schwab by the musician Yehudi Menuhin 17 years ago. Since then the award has been given to 'exceptional individuals who have made a difference in the world of arts and culture, and have reached out to other cultures.' Previous winners have included, amongst others, actor Richard Gere, cellist Yo-Yo Ma, and producer, composer and musician, Quincy Jones.

Ms Chaka Chaka described how pleased she was that, through the Forum, global business, political and academic leaders acknowledged the impact that investing in major health issues has had on global prosperity and growth. 'Evidence continues to show the clear economic returns from keeping families healthy. But you don't have to be an economist to realise that if children stay healthy they can go to school and grow up to be productive members of their communities, their parents don't have to miss work to look after them, and tough choices don't have to be made between buying medicines or food. And if parents stay healthy, they don't have to miss work or worse still, leave their children orphans. If we're serious about improving global prosperity, we need to be serious about solving some of the obstacles in our way. Global health problems such as malaria, are certainly in our way. It is important we continue to communicate, inform and educate people.'

Raised in Soweto under South Africa's apartheid regime, Ms Chaka Chaka has a twenty-seven year music career which has produced twenty-one albums, making her one of Africa's top artists. Ms Chaka Chaka was the first black child to appear on South African television and she has since shared the stage with top stars including Bono and Beyoncé. Nelson Mandela wrote to Ms Chaka Chaka from prison describing how her music was sustaining him, and credits her with a vital role in ending apartheid. Ms Chaka Chaka's receipt of the Crystal Award marks the twentieth anniversary since Mr Mandela attended the WEF Davos meeting. In 2011 Ms Chaka Chaka was ranked eighth on Forbes magazine's list of the most influential African celebrities.

Her recent documentary film, A Motherland Tour - A Journey of African Women, took her on a world tour to promote the successes of those engaged in the daily battle against HIV/AIDS, TB and malaria. Most recently, at the end of 2011, Yvonne teamed up with previous Crystal Award winner and fellow Roll Back Malaria Goodwill Ambassador, Youssou N'Dour, to record Proud to Be for Interpol to raise public awareness of the dangers posed by counterfeit medicines.

Ms Chaka Chaka's campaign against malaria - a preventable and curable disease which still kills over 2,000 children a day in Africa - began when her band member died from the disease in 2004. Ms Chaka Chaka became the first Goodwill Ambassador for the global Roll Back Malaria Partnership. She is also UNICEF Goodwill Ambassador for Malaria in Africa, United Nations MDG Envoy for Africa, and was chosen by Nelson Mandela as the first ambassador for his children's fund. Ms Chaka Chaka established her own charity, the Princess of Africa Foundation, and is the recipient of the Rotary Paul Harris Fellowship Award.

PRESIDENT KIKWETE ARRIVES IN DAVOS FOR WORLD ECONOMIC FORUM

2012-01-25T14:48:00.000+03:00

President Jakaya Kikwete is received by the Minister for Agriculture, Food Security and Cooperatives Professor Jumanne Maghembe as he arrives at the Davos Sheraton ahead of the four day World Economic Forum held annually in the mountainous health resort. The forum, that goes under the theme: " The Great Transformation: Shaping New Models", Ais being attended by mong others President Kikwete is also scheduled to hold a number of private meetings and bilateral talks with prominent world leaders and entrepreneurs, besides attending interactive sessions on different issues.

President Jakaya Kikwete holding a preparatory meeting with his delegations soon after arrival at the Davos Sheraton ahead of the start of the four day World Economic Forum held annually in the mountainous health resort. The forum, that goes under the theme: " The Great Transformation: Shaping New Models", Ais being attended by mong others President Kikwete is also scheduled to hold a number of private meetings and bilateral talks with prominent world leaders and entrepreneurs, besides attending interactive sessions on different issues. (PHOTOS BY STATE HOUSE).

Wabunge wa Kamati ya Huduma za Jamii wafanya ziara jijini Mwanza

2012-01-25T10:54:00.000+03:00

Makamu Mwenyekiti wa kamati hiyo Dkt Ndungulile akisikiliza kero za wananchi waliofika kwenye kituo cha afya cha Sangabuye kilichopo wilayani Ilemela baada ya kutembelea kituo hicho na wajumbe wa kamati yake.

Mkurugenzi Mkuu wa MSD nchini Bw. Joseph Mgaya akielezea mafanikio na changamoto zinazowakabili katika MSD ambapo aliweza kuelezea jinsi wanavyoidai serikali fedha nyingi. wengine anayemfuata ni Mwenyekiti wa bodi ya MSD Bi Eva Nzaro, Makamu Mwenyekiti wa kamati hiyo Dkt Ndungulile, na Mjumbe wa bodi ya MSD Bi Tecla Shangali.

Mbunge wa Nzega (CCM) Dkt Hamisi Kigwangwalah (wa kwanza kulia) akichangia suala la serikali kudaiwa fedha nyingi na MSD kiasi cha zaidi shilingi bilioni 45.6 wakati kamati hiyo ilipotembelea ghala la bohari kuu kanda ya ziwa mjini Mwanza.

Wabunge wa Kamati ya Huduma za Jamii wakiwa pamoja na Makamu Mwenyekiti wao Dkt Ndugulile, wakimsikiliza Mkurugenzi wa kanda ya ziwa wa MSD akitoa maelezo namna wanavyoweza kuhifadhi dawa kisha kuzisambaza kwa wateja wao mbalimbali wa mikoa ya Mwanza, Musoma, Bukoba, Shinyanga na mkoa mpya wa Geita.

Wajumbe wa Kamati ya Bunge ya Huduma za Jamii, wakiongozwa na Makamu Mwenyekiti wa kamati hiyo Dkt Faustin Ndungulile (aliyevaa shati la kitenge karibu na Mkuu wa Mkoa wa Mwanza Eng. Evarist Ndikilo, wakiwa katika ofisi ya Mkuu wa mkoa huyo wakijitambulisha kuhusu kufanya ziara ya siku tatu mkoani humo kutembelea sekta ya afya.

Mganga Mfawidhi wa Kituo cha Afya Sangabuye Dkt Charles Chacha (mwenye shati la kitenge aliyenyanyua mikono) akiwaeleza wajumbe wa kamati ya huduma za jamii waliofika katika kituo hicho ambapo mganga huyo mfawidhi alieleza kwamba kituo hicho kinakimbiwa na madaktari kutokana na kuwepo kwa sababu za ushirikina ambapo unapolala usiku watu wanafika katika nyumba yako na kukutoa nje.

Pamoja na Mkuu wa mkoa wa Mwanza Eng. Ndikilo kulalamika kwamba kuna uhaba mkubwa wa dawa katika hospitali nyingi mkoani humo licha ya MSD kuwasilishiwa fedha lakini wajumbe wa kamati hiyo walishuhudia shehena na mabox ya dawa yakiwa yamehifadhiwa kwenye bohari hiyo ya madawa kanda ya ziwa.

Mwenyekiti wa Bodi ya Bohari Kuu ya Madawa nchini (MSD) Bi Eva Nzaro (wa kwanza kulia) akiwa na mgeni wake Makamu Mwenyekiti wa Kamati ya Huduma za Jamii, Dkt Ndungulile (mwenye shati la kitenge) akimuongoza pamoja na wajumbe wengine wa kamati hiyo kwenda kutembelea bohari ya kuhifadhia dawa ya Kanda ya Ziwa iliyopo Jijini Mwanza.

Na Mashaka Mhando,Mwanza

WABUNGE wa Kamati ya Huduma za Jamii, wameitaka serikali kulipa deni la shilingi bilioni 45.6 wanazodaiwa na Bohari Kuu ya taifa ya Madawa nchini (MSD), ili waweze kukabili changamoto mbalimbali zinazowakabili ikiwemo kuagiza dawa nje na kuzisambaza katika hospitali kwa wakati.

Wakizungumza mara baada ya kutembelea bohari Kuu ya taifa ya madawa ya Kanda ya Ziwa, wabunge hao wamesema kuwa MSD imekuwa ikinyooshewa vidole ya ukosefu wa madawa katika zahanati, vituo vya afya na hospitali hapa nchini, lakini bohari hiyo imekuwa ikishindwa kuagiza dawa nje ya nchi kutokana na kukosa uwezo wa kifedha kuagiza dawa hizo na kusababisha kero katika maeneo hayo.

Mbunge wa Nzega (CCM) Dkt Hamisi Kigwangwalah alisema endapo serikali kupitia Wizara ya Afya na Ustawi wa Jamii, itashindwa kulipa deni hilo hadi kufikia Juni mwaka huu, hawatapitisha bajeti ya Wizara hiyo kutokana na kusababisha matatizo katika sekta ya afya nchini kwa kuwapa tabu wananchi ambao baadhi yao wamekuwa wakitoa michango katika mifuko ya afya ya jamii.

"Tatizo la ukosefu madawa katika hospitali zetu silo la MSD hata kidogo, tatizo hapa ni Wizara ya afya wananchi wamekuwa na matatizo mengi ya ukosefu wa madawa katika vituo vyetu vya afya na zahanati, kama serikali itashindwa kutatua matatizo ya msingi katika huduma za afya hayo malengo ya milenia tuliyoyaweka tutayafikia vipi, sasa tutaweka azimio leo hii kama serikali haitalipa basi hatutapitisha bajeti ya wizara ya afya, katika bunge la bajeti linalokuja" alisema Dkt Kigwangalah.

Mbunge wa Ilemela Chadema, Bw. Hyness Kiwia akichangia suala hilo alisema kuwa haamini kama MSD wamekuwa wakipata vikwazo vya kushindwa kuagiza na kusambaza dawa katika hospitali za hapa nchini akawataka waandae taarifa ambayo watakiri kwamba kutokana na serikali kushindwa kulipa deni la fedha hizo ndiyo sababu wanashindwa kusambaza dawa badala ya kukopwa dawa kila mwaka na wizara hiyo.

Mkurugenzi Mkuu wa MSD Bw. Joseph Mgaya alisema moja ya changamoto zinazowakabili ni pamoja na deni wanalolidai serikali ya kiasi hicho cha fedha na kwamba mwaka jana waliiomba serikali iwalipe kiasi cha shilingi bilioni 7 ili wawasilishe manunuzi nje kwa ajili ya kusambaza dawa hapa nchini lakini serikali haikuwa na fedha badala yake ikasema katika hospitali hakuna dawa wakakopa madawa yenye thamani ya shilingi bilioni 3.

Awali wakipata maelezo ya Mkuu wa mkoa wa Mwanza Injinia Evarist Ndikilo, alisema MSD wamekuwa wakishindwa kuwasilisha madawa katika hospitali mbalimbali zilizopo mkoani humo licha ya kupatiwa fedha za vituo hivyo hatau ambayo alisema ni bora sasa serikali kupitia wabunge hao wakatunga sheria ambayo itawaruhusu watu wengine kusambaza dawa badala ya MSD ili kuondoa usumbufu wa kukosa dawa mara kwa mara.

"Dawa MSD hakuna lakini fedha zao zipo kule jambo ambalolinasababisha washindwe kununua dawa mahali pengine kutoka na sera zilizopo MSD pekee wenye jukumu la kununua, kuhifadhi na kusambaza dawa," alisema Injinia Ndikilo na kuongeza MSD wanatakiwa kununua dawa kwa uharaka na hospitali waruhusiwe kunua dawa mahali pengine.

Akizungumza katika majumuisho Makamu Mwenyekiti wa kamati hiyo Dkt Faustin Ndungulile aliitaka MSD kuhakikisha inanunua kila wakati dawa mbalimbali ambazo zimekuwa zikitumika kwa mahitaji mengi katika zahanati na vituo vya afya kutokana na fedha ambazo wanakuwa nazo kuliko kusubii dawa hizo ziishe katika maeneo hayo ikiwemo kutaza upya suala la manunuzi ya madawa nje ya nchi.

Alisema ni vema viwanda vya dawa vilivyopo hapa nchini vikaimarishwa na MSD wakatoa kipaumbele katika kununua dawa katika viwanda hivyo kuliko kupeleka fedha nje ambako kumekuwa hakuleti nafuu kwa hospitali nyingi hatua ambayo ametaka viwanda hivyo vijengewe uwezo ili hatimaye viweze kutosheleza soko la dawa hapa nchini.

Kuhusu deni hilo wanazodaiwa serikali na MSD alisema serikali ijitahidi kulipa kadri inavyopata fedha ili kuondoa uwezekano wa mizozo isiyokuwa na sababu kwa wabunge wa kamati hiyo katika bunge lka bajeti lijalo.

BALOZI SEIF ALI IDDI AZUNGUMZA NA MABALOZI WAPYA WALIOTEULIWA HIVI KARIBUNI

2012-01-24T23:17:00.000+03:00

MAKAMU WA PILI WA RAIS WA ZANZIBAR BALOZI SEIF ALI IDDI AKIZUNGUMZA NA MABALOZI SITA WAPYA WALIOTEULIWA KUIWAKILISHA TANZANIA KATIKA MATAIFA MBALI MBALI DUNIANI.

MAKAMU WA PILI WA RAIS WA ZANZIBAR BALOZI SEIF ALI IDDI AKIWA KATIKA PICHA YA PAMOJA NA MABALOZI WAPYA WA TANZANIA WALIOTEULIWA HIVI KARIBUNI.

WADAU WA MAZINGIRA WAKUTANA KUZUNGUMZIA MKAKATI WA TAIFA WA MABADILIKO YA TABIA NCHI

2012-01-24T17:32:00.000+03:00

Mkurugenzi msaidizi wa Idara ya Mazingira,Ofisi ya Makamu wa Rais Bw. Richard Muyungi akiwasilisha mada kuhusiana na mabadiliko ya Tabia nchi na ripoti ya tafiti ya athari za kimazingira iliyofanyika katika baadhi ya maeneo yakiwemo Zanzbar, Mbeya, Tanga, Manyara, Shinyanga na Mwanza leo jijini Dar es salaam.

Mkurugenzi msaidizi wa Idara ya Mazingira,Ofisi ya Makamu wa Rais Bw. Richard Muyungi akizungumza na wadau wa mazingira kutoka Taasisi mbalimbali,wizara na wadau kutoka nchi wahisani wakati wa ufunguzi wa mkutano wa wadau hao unaojadili mabadiliko ya Tabia nchi na mkakati wa kitaifa kuhusu mabadiliko ya Tabia nchi leo jijini Dar es salaam.

Mshauri wa masuala ya mabadiliko ya Tabia nchi kutoka Idara ya Kimataifa ya Maendeleo (DFID) nchini Tanzania Bi. Magdalena Banasiak (kushoto) akizungumzia athari za mabadiliko ya Tabia nchi duniani na mchango wa wadau mbalimbali wa ndani na nje ya nchi katika kuhakikisha kuwa athari za mabadiliko ya tabia nchi zilizoanza kujitokeza zinadhibitiwa.

Baadhi ya wadau wa Mazingira kutoka ndani na nje nchi wakifuatilia mada mbalimbali zilizokuwa zikiwasilishwa wakati wa mkutano wa wadau wa mazingira kuhusu mkakati wa kitaifa kuhusu mabadiliko ya Tabia nchi leo jijini Dar es salaam.

Wadau wa Mazingira kutoka, Taasisi mbalimbali,wizara na wadau wa mazingira kutoka nchi wahisani wakiwa katika picha ya pamoja mara baada ya ufunguzi wa mkutano unaojadili Mkakati wa Kitaifa kuhusu mabadiliko ya Tabia nchi leo jijini Dar es salaam.Picha na Aron Msigwa – MAELEZO.

Na. Aron Msigwa –MAELEZO.

Kuanzishwa kwa mkakati wa kitaifa wa mabadiliko ya Tabia nchi kutaiwezesha na kuiongezea uwezo nchi ya Tanzania kushirikiana na mataifa mbalimbali katika kukabiliana na changamoto za mabadiliko ya tabia nchini yanayoendelea kuikumba dunia.

Kauli hiyo imetolewa leo jijini Dar es salaam na Mkurugenzi msaidizi wa Idara ya Mazingira, Ofisi ya makamu wa Rais Bw. Richard Muyungi wakati akifungua mkutano wa wadau wa mazingira kujadili mkakati wa kitaifa wa mabadiliko ya Tabia nchi.

Amesema hivi sasa mabadiliko ya tabia nchi yameleta athari kubwa duniani ikiwemo ongezeko la gesi joto angani jambo ambalo linahitaji juhudi za mtu mmoja mmoja, vikundi, Taasisi na Jumuiya za kimataifa kushirikiana kwa pamoja kuinusuru dunia kutokana na athari za mabadiliko hayo.

“ Tanzania na watanzania wote kwa ujumla watapata fursa ya kushiriki katika fursa za miradi ya kupunguza gesi joto kupitia sekta binasfi hasa fursa za miradi ya kupunguza gesi joto inayoanzishwa nchini na kuwawezesha watanzania kupata fedha huku wakiendelea kufanya shughuli zao za kila siku”

Amefafanua kuwa mkakati huo wa kitaifa wa mabadiliko ya Tabia nchi utaisaidia nchi ya Tanzania kushiriki katika masuala mbalimbali ya kimataifa na kuiwezesha kuwa na msimamo kama nchi kupinga vitendo vyote vinavyofanywa na mataifa mbalimbali yaliyoendelea kiviwanda ambayo yanachangia kwa kiwango kikubwa ongezeko la gesi joto duniani.

Pia amefafanua kuwa licha ya mkakakati huo kuanzishwa kwa mara ya kwanza kwanza nchini utaiwezesha Tanzania kuwa ushirikiano na nchi nyingine za Afrika, jumuiya mbalimbali za kimatifa ndani na nje ya bara la Afrika na kuongeza kuwa ukamilishwaji wa mkakati huo utaiwezesha nchi kupanga na kuamua masuala mbalimbali yahusuyo mabadiliko ya Tabia nchi.

Aidha amefafanua kuwa sanjari na kuwepo mkakati huo ambao ni mkubwa masuala ya mazingira yataendelea kuongozwa na mkakati wa kitaifa wa mwaka 2006 na ule wa 2007 unaotoa mwongozo kuhusu masuala mbalimbali ya mazingira yakiwemo uzuiaji wa uchafuzi na uharibifu wa vyanzo vya maji katika mito na uharibifu wa misitu na mazingira.

Kwa upande wake mshiriki wa mkutano huo kutoka chuo kikuu cha Dar es salaam Prof. Richard Kangalawe amefafanua kuwa mabadiliko ya tabia nchi yanendelea kuathiri kwa kiasi kikubwa uchumi wan chi yetu na hata kutishia maisha ya kila siku.

Amezitaja baadhi ya changamoto ambazo Tanzania kwa sasa inakabiliana nazo kutokana na mabadiliko ya Tabia nchi kuwa ni pamoja na ukame katika baadhi ya maeneo, mafuriko yanayojitokeza katika maeneo mbalimbali nchini kutokana na mvua zinazonyesha kwa muda mfupi na ongezeko la magonjwa mbalimbali.

“Kama tunavyoona kuna dalili mbalimbali ambazo zinaonyesha kuwa hali ya mabadiliko ya tabia nchi imekuwa kubwa sana tofauti na miaka 30 iliyopita na inaliathiri taifa hasa baadhi ya matukio mbalimbali yaliyotokea hivi karibuni ikiwemo mvua kubwa zilizonyesha na kusababisha mafuriko katika maeneo mbalimbali nchini na kusababisha madhara makubwa katika jiji la Dar es salaam.

MIKTABA MITATU YA UTAFITI YA MAFUTA NCHINI YASAINIWA LEO JIJINI DAR

2012-01-24T17:30:00.000+03:00

Waziri wa Nishati na Madini William Ngeleja (kulia) akifafanua jambo wakati wa uwekaji saini wa mikataba mitatu ya uatafiti wa mafuta kutoka kampuni za nje jijini leo DSM (Kulia) ni Kamishna Msaidizi wa Nishati (Petroleum na Gas ) Bw, Prosper Victus.

Waziri wa Nishati na Madini William Ngeleja (katikati) akiweka saini mkataba wa utafiti wa mafuta nchini kwa kampuni tatu kutoka nje, (kushoto) ni Mkurugenzi mtendaji wa TPDC Bw, Yona Killagane na (kulia) Mkurugenzi Mtendaji wa kampuni ya Matherland industries LTD kutoka India, Bw. V.K. Sood .(kulia). Mkataba huo umewekwa saini leo kwenye jingo la Wizara ya Nishati na Madini.

Waziri wa Nishati na Madini Wiliam Ngeleja (kushoto) akibadilisha hati za makubaliano ya utafiti wa mafuta nchini na Mkurugenzi Mtendaji wa kampun i ya Petrobras kutoka Brazil Bw, Samuel Bastos de Miranda (kulia) , hafla hiyo imefanyika leo jijini Dar es Slaam wakati wa hafla ya uwekaji saini wa mikataba mitatu ya utafiti wa mafuta wa kampuni kutoka nje.

Waziri wa Nishati na Madini Wiliam Ngeleja (kushoto) na Mkurugenzi Mtendaji wa kampun i ya Petrobras kutoka Brazil Bw, Samuel Bastos de Miranda (kulia),wakionyesha mikataba waliyoisaini wakati wa hafla hiyo iiliyofanyika leo jijini Dar es Slaam wakati wa hafla ya uwekaji saini wa mikataba mitatu ya utafiti wa mafuta wa kampuni kutoka nje.

Mkurugenzi Mtendaji wa TDPC Bw, Yona Killagane akitoa maelezo mafupi Jan 24,2012 kabla ya kusain i mkataba wa utafiti wa mafuta nchini utaozishirikisha kampuni tatu kutoka nje, Kampuni hizo ni Petrobras, Heritage na Motherland Industries Limited.

Kamishna Msaidizi wa Nishati kutoka Wizara ya Nishati na Madini Bw, Prosper Victus (alisimama mbele na Kabrasha) akitoa maelezo ya awali wakati wa uwekaji wa saini mikataba mitatu ya utafii wa mafuta kutoka kampuni za nje leo wakati wa hafla hiyo kwenye jengo la Wizara ya hiyo jijiji Dar es Salaam. (Picha na Mwanakombo Jumaa-MAELEZO).

Mwenyekiti wa Bodi ya Mfuko wa barabara aendelea na ukaguzi wa madaraja jijini Dar

2012-01-24T11:28:00.001+03:00

ukarabati wa eno la daraja la Matosa huko Goba katika wilaya ya Kinondoni mkoa wa Dar es Salaam ambalo Mwenyekiti wa Mfuko wa Bodi ya Barabara Dkt. James Wanyacha (hayupo pichani ) alikagua maendeleo ya ukarabati.

Mwenyekiti wa Bodi ya Mfuko wa barabara Dkt, James Wanyacha (kushoto) pamoja na Mhandisi Julius Ngusa kutoka ofisi ya Tanroads (wa pili kulia) wakimsikiliza Mhandisi Ndekumana wa Tanroads(kulia) kuhusu uharibifu wa daraja la Tabata Kinyerezi Mkoani Dar es Salaam lilioharibiwa na mafuriko mwisho wa mwaka 2012.ambalo lipo kwenye ukarabati.

Mwenyeki wa Mfuko wa Bodi ya Barabara James Wanyacha akitoa maelezo kwa waandishi wa habari (pichani hawapo) kuhusu maendeleo ya ukarabati wa eneo la daraja la Mbezi katika barabara ya Morogoro (Morogoro road (Mbezi) iliyoharibiwa na mafuriko ya mwaka jana,ambapo mfuko wake umetoa fedha za dharua zaidi ya shilingi bilioni tano (5b/-) zilizoombwa za dharura na mkoa wa Dar es salaam kwajili ya kusaidia ukarabati.

mafundi wakiendelelea na ukarabati huko barabara ya morogoro eneo la mbezi.

uharibifu wa mazingira kwenye daraja la boko watu wakiendelea kuchimba mchanga

(Picha na Mwanakombo Jumaa- Maelezo).

BASATA NA SHINDANO LA MISS UTALII

2012-01-24T10:49:00.000+03:00

Rais wa Shindano la Miss Utalii, Gideon Chipungahelo (Katikati) akiongea na wadau wa Sanaa kuhusu miaka mitano ya shindano hilo kwenye Jukwaa la Sanaa linalofanyika kila wiki makao makuu ya BASATA. Kulia ni Mkurugenzi wa Utawala na Fedha wa Miss Utalii Aboubakar Omar na Mkuu wa Kitengo cha Matukio wa BASATA, Omary Mayanga.

Mkurugenzi wa Mipango na Maendeleo wa Miss Utalii, Vikas Gupta akielezea mipango mipya ya shindano la miss utalii kwenye Jukwaa la Sanaa wiki hii.Kulia kwake ni Bw. Aboubakar na Chipungahelo.

Mkurugenzi wa Matukio, BASATA, Omary Mayanga akitoa ufafanyzu wa masuala mbalimbali yaliyojitokeza kwenye Jukwaa la Sanaa wiki hii.

Mzee Mwali Ibrahim ambaye ni mwandishi wa habari za uchumi na utalii wa Business Times akieleza umuhimu wa shindano la Miss Utalii.

Wadau wa Sanaa wakifuatilia majadiliano kuhusu miaka mitano ya shindano la Miss Utalii.

Na Mwandishi Wetu

Baraza la Sanaa la Taifa (BASATA) limepongezwa na wadau wa Sanaa kwa juhudi zake katika kusimamia na kuratibu matukio mbalimbali ya Sanaa hapa nchini na kuyafanya kudumu.

Pongezi hizo zimetolewa wiki hii na wadau wa Sanaa wakati wakichangia mjadala uliohusu miaka mitano ya shindano la miss utalii na sanaa ya urembo nchini kwenye Jukwaa la Sanaa linalofanyika kwenye Ukumbi wa BASATA uliopo Ilala, Sharif Shamba.

Akizungumza wakati akieleza historia za shindano hilo, Rais wa Miss Utalii, Gideon Chipungahelo alisema kuwa, BASATA imekuwa bega kwa bega na shindano hilo katika kuhakikisha miongozo na kanuni mbalimbali za kuendesha mashindano zinafuatwa na kusisitiza kuwa, hiyo ndiyo sababu ya shindano hilo kuweza kupata baadhi ya mafanikio ya ndani na nje ya nchi.

“Naishukuru Serikali na BASATA, kila mara wamekuwa wakitoa maelekezo na miongozo ambayo imelifanya shindano hili kufikia mafanikio haya ingawa kumekuwa na changamoto kadhaa hasa za kukosa wadhamini” alisistiza Chipungahelo.

Aliongeza kuwa, BASATA imekuwa mara kwa mara ikikutana na kamati ya miss utalii na kuipa maelekezo mbalimbali ikiwa ni pamoja na kufanya tathimini na wadau wa sanaa ya urembo ambao wamekuwa wakitoa michango ya kuliboresha shindano hilo.

Awali wadau wa Jukwaa la Sanaa walipata wasanii wa kutoa maoni na ushauri kuhusu shindano la miss utalii ambapo walitoa changamoto kadhaa na kushauri jinsi ya kuzitatua na kulifanya shindano hilo lizidi kusonga mbele.

“Shindano hili ni zuri na ni kiungo kizuri cha kukuza utalii kama waandaaji watalisimamia vizuri, ni vema kuwa na kamati maalum ya uendeshaji inayowajibika na wadhamini waone umuhimu wa kulifadhili shindano hili” alishauri Mzee Mwali Ibrahim ambaye ni mwandishi wa habari za uchumi wa gazeti la Majira.

Aliishauri kamati ya miss utalii kuliunganisha shindano hilo na maendeleo ya sekta ya sanaa nchini.

Mbunifu wa mavazi kushiriki mkutano wa kujadili masuala ya uchumi duniani

2012-01-23T14:33:00.000+03:00

Mwandishi wetu

NYOTA imeanza kung’ara kwa mbunifu wa mavazi anayekuja juu kwa kasi nchini, Doreen Estazia (pichani) na lebo yake ya Estado Bird baada ya kupata kualikwa kuhudhuria mkutano wa kujadili masuala ya Uchumi duniani (World Economic Forum) utakaonza kesho mjini Devos –Klosters, Uswisi.

Estazia ambaye mwishoni mwa mwaka jana aliibuka na mavazi yaliyojulikana kwa jina la What’s Your Freedom (WYF?) kwa ajili ya kuadhimisha miaka 50 ya Uhuru wa Tanzania alisema kuwa amealikiwa kama mjasiliamali katika masuala ya ubunifu wa mavazi na atakuwa chini ya Global Shapers.

Alisema kuwa hii ni faraja kubwa kwake kwani kipaji chake ndicho kimempa nafasi hiyo na kuwa mbunifu wa kwanza nchini tokea taifa hili lizaliwe kushiriki katika mkutano huo mkubwa.

Alifafanua kuwa setka ya ubunifu wa mavazi inanulikana kimataifa kwani mbali ya kupromoti nchi nje ya mipaka na hasa masuala ya vivutio vya utalii kwa upande wa mavazi.

“Nashukuru kupata nafasi hii na nitaiwakilisha vyema Tanzania, hii ni fursa pekee ya kujitangaza kimataifa na hasa ukizingatia kuwa nimeanza kujihusisha na masuala ya ubunifu mwaka mmoja uliopita,” alisema Estazia kabla ya kuondoka juzi usiku.

Alisema kuwa ameanza kupata mwanga wa mafanikio na lengo lake kubwa ni kufikia hatua ya juu kabisa katika masuala ya ubunifu wa mavazi na wala si viginevyo.

“Sina malengo ya kuishia hapa hapa katika fani hii, nataka dunia inifahamu kupitia ubunifu wa mavazi, mkutano wa Uswis ni moja ya njia ya kufikia lengo kwani unawajumuisha pia wakuu wan chi mbali mbali duniani,” alisema.

VODACOM YATOA SEMINA KWA CHAMA CHA TAASISI YA KIFEDHA NCHINI(TAMFI)KUHUSIANA NA HUDUMA YA M-PESA

2012-01-23T13:34:00.002+03:00

Mkuu wa kitengo cha Mauzo cha Vodacom m-pesa Franklin Bagalla(kulia)akisikiliza swali kutoka kwa Makamu Mwenyekiti wa Tanzania Association of Microfinance Association(TAMFI)Joel Mwakitalu wakati wa semina mahususi kwa ajili ya Chama cha Taasisi za kifedha kuweza kunufaika na huduma ya m-pesa,semina hiyo iliandaliwa na Vodacom Tanzania jijini Dar es Salaam.

Washiriki wa semina ya Taasisi za kifedha(TAMFI)wakimsikiliza Mkuu wa kitengo cha Mauzo cha Vodacom m-pesa Franklin Bagalla wakati wa semina hiyo mahususi kwa ajili ya taasisi hizo kunufaika na huduma ya Vodacom m-pesa,iliyofanyika jijini Dar es Salaam.

Mkuu wa kitengo cha Mauzo cha Vodacom m-pesa Franklin Bagalla na Meneja wa Vodacom m-pesa Magesa Wandwi wakisikiliza swali kutoka kwa mratibu wa Taasisi za kifedha wa Mkoa wa Arusha Hamisi Shelukamba wakati wa semina ya Taasisi za kifedha (TAMFI)iliyoandaliwa na Vodacom Tanzania mahususi kwa ajili ya kunufaika na huduma ya m-pesa,semina hiyo ilifanyika jijini Dar es Salaam.

Baadhi ya washiriki wa semina ya Taasisi za kifedha nchini(TAMFI)wakifatilia mada iliyokuwa inatolewa na Mkuu wa kitengo cha Mauzo cha Vodacom m-pesa Franklin Bagalla(hayupo pichani)iliyohusu huduma ya Vodacom m-pesa,Semina hiyo iliandaliwa na Vodacom Tanzania jijini Dar e s Salaam.

Mkuu wa kitengo cha Mauzo cha Vodacom m-pesa Franklin Bagalla(kushoto)akimsisitiza jambo Mkurugenzi Mtendaji wa taasisi ya kifedha ya PTF Mary Likwelile,wakati wa semina ya chama cha Taasisi za kifedha (TAMFI)iliyoandaliwa na Vodacom Tanzania mahususi kwa ajili ya kunufaika na huduma ya m-pesa,semina hiyo iliandaliwa na Vodacom Tanzania jijini Dar es Salaam.

2012-01-23T13:22:00.000+03:00

Galileo Tanzania wazindua huduma mpya ya kuuza tiketi za ndege

2012-01-23T13:12:00.000+03:00

Wafanyakazi wa Galileo Tanzania wakiwa kwenye picha ya pamoja mara baada ya hafla ya uzinduzi wa huduma yao mpya ambayo inamuwezesha wakala wa kuuza tiketi za ndege kuuza tiketi kwa urahisi zaidi,uliofanyika kwenye ukumbi wa J.B Belmonte Selous ,Quality Centre jijini Dar es salaam.

Mkurugenzi Mkuu wa Zamani wa Galileo Tanzania,Mwalim Ally akibonyeza kitufe kwenye kompyuta kwa uzinduzi wa huduma mpya inayomuwezesha wakala wa kuuza tiketi za ndege kuuza tiketi kwa urahisi zaidi,uliofanyika kwenye ukumbi wa J.B Belmonte Selous ,Quality Centre jijini Dar es salaam.Wa Pili Kushoto ni Mkurugenzi Mkuu wa Sasa,Eliasaph Mathew.

Ofisa wa Mafunzo wa Galileo Tanzania,Gloria Urassa akitoa mafunzo ya namna huduma hiyo inavyotumika kwa Baadhi ya Mawakala wa Uuzaji wa tiketi za ndege nchini (Travel Agents) mara baada ya kuzinguliwa kwenye ukumbi wa J.B Belmonte Selous,Quality Centre jijini Dar es salaam hivi karibuni.

Ofisa wa Mafunzo wa Galileo Tanzania,Robert Maina akiwa katika muendelezo wa kutoa mafunzo ya namna huduma hiyo inavyotumika kwa Baadhi ya Mawakala wa Uuzaji wa tiketi za ndege nchini (Travel Agents) mara baada ya kuzinguliwa kwenye ukumbi wa Savannah Lounge,Quality Centre jijini Dar es salaam hivi karibuni.

Mwenyekiti wa TASOTA,Moustafa Khataw akizungumza machache mara baada ya uzinduzi huo.

Baadhi ya Maofisa wa Galileo Tanzania wakimsikiliza kwa makini Mwenyekiti wa TASOTA,Moustafa Khataw (hayupo pichani) wakati akizungumza na baadhi ya mawakala wa uuzaji wa tiketi za ndege hapa nchini wakati wa uzinduzi wa huduma mpya ya uuzaji wa tiketi.

Ziara ya makamu wa Rais Mkoani Lindi

2012-01-23T13:10:00.000+03:00

Makamu wa Rais wa Jamhuri ya Muungano wa Tanzania, Dkt. Moahammed Gharib Bilal, akizungumza na wananchi wa Kitomanga, baada ya kuzindua rasmi jengo la Kituo cha afya cha Kitomanga, Lindi Vijijini, wakati akiwa katika ziara yake ya Mkoa wa Lindi jana Januari 22, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiongozana na mkewe Mama Zakhia Bilal, Mkuu wa Mkoa wa Lindi, Ludovic Mwananzila na baadhi ya viongozi wa Mkoa wa Lindi, wakati akikagua Daraja la Mingumbi baada ya kuzindua daraja hilo lililopo Kilwa, akiwa katika ziara yake ya kukagua miradi ya maendeleo ya mkoa wa Lindi jana.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiweka jilwe la msingi katika Ofisi mpya ya Chama cha Mapinduzi CCM, iliyopo Chumo Namkamba Kilwa jana januari 22, 2012, wakati akiwa katika ziara yake ya kukagua miradi ya maendeleo ya mkoa wa Lindi.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akikagua ujenzi wa jengo la Zahanati ya Kilanjelanje iliyopo Jimbo la Kilwa Kusini, wakati akiwa katika ziara yake ya kukagua miradi ya maendeleo ya Mkoa wa lindi jana Januari 22, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiweka Jiwe la Msingi, alipozindua Daraja la Mingumbi lililopo Kilwa, wakati akiwa kwenye ziara yake ya Mkoa wa Lindi jana. Kulia ni Mkuu wa Mkoa wa Lindi, Ludovic Mwananzila.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akikata utepe kuzindua rasmi Jengo jipya la Bwalo la Shule ya Sekondari ya wasichana Ilulu, iliyopo Kilwa, wakati akiwa katika ziara yake ya kukagua miradi ya maendeleo ya mkoa wa Lindi jana Januari 22, 2012. Kulia ni Mkuu wa Mkoa wa Lindi, Ludovic Mwananzila.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na baadhi ya wanafunzi wa Shule ya Sekondari ya wasichana ya Ilulu, baada ya kuzindua rasmi Jengo la Bwalo la shule hiyo, wakati akiwa katika ziara yake ya kukagua miradi ya maendeleo ya Mkoa wa Lindi jana Januari 22, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwahutubia wananchi wa Kijiji cha Chumo Namkamba, wakati akiwa katika ziara yake ya Mkoa wa Lindi jana Januari 22, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akipunga mkono kuwasalimia wananchi baada ya kuweka Jiwe la Msingi katika jengo la Kituo cha Afya cha Kitomanga lililopo Lindi Vijijini wakati akiwa katika zaiara yake mkoa wa Lindi jana, januari 22, 2012.Picha na Muhidin Sufiani-OMR.

Airtel yawaburudiaha wanafunzi wa shule ya sekendari ya Lyceum katika onyesho la 5select

2012-01-23T13:09:00.000+03:00

Mwanafunzi wa shule ya sekondari Lyceum,Duah Ramadhani akionyesha kipaji chake cha kuimba wakati wa onyesho maalumu la 5selekt lililoandaliwa na EATV na kudhaminiwa na kampuni ya simu ya simu za mkononi ya Airtel na kufanyika shuleni hapo na kuudhuriwa na walimu na wanafunzi.

Mwanafunzi wa shule ya sekondari Lyceum,Neema akionyesha kipaji chake cha kuimba wakati wa onyesho maalumu la 5selekt lililoandaliwa na EATV na kudhaminiwa na kampuni ya simu ya simu za mkononi ya Airtel na kufanyika shuleni hapo na kuudhuriwa na walimu na wanafunzi.

Wanafunzi wa shule ya sekondari Lyceum wakionyesha umahiri wao katika kucheza musiki wa kwaito wakati wa waonyesho maalumu la 5selekt lililoandaliwa na EATV na kudhaminiwa na kampuni ya simu ya simu za mkononi ya Airtel na kufanyika shuleni hapo na kuudhuriwa na walimu na wanafunzi.

anachumpaaa.......

2012-01-22T20:11:00.000+03:00

Ingelikuwa ni kule ni kule Unguja tungesema anapiga makachu ili kuingia kwenye maji pale Forodhani,lakini jamaa huyu hapa ambaye alikuwa ni Kibaka akikuwa anajirusha ili kujaribu kunusuru roho yake kutokana na kichapo toka kwa wananchi wenye hasira kali mara baada ya kushindwa jaribio la kutaka kuiba simu ya mkononi maeneo ya kariakoo jijini Dar.

MAKAMU WA RAIS DKT BILAL AZINDUA JENGO LA UTAWALA LA SHULE YA SEKONDARI MNOLELA, AKAGUA UJENZI WA BWENI LA WASICHANA SEKONDARI YA KINENG’ENE-LINDI

2012-01-22T19:51:00.000+03:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akifunua kitambaa ikiwa ni ishara ya kuweka jiwe la Msingi katika jengo jipya la Utawala la Shule ya Sekondari Mnolela, iliyopo kijiji cha Luhokwe, wakati akiwa katika ziara yake ya Mkoa wa Lindi jana Januari 21, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiongozana na baadhi ya viongozi wa Mkoa wa Lindi, kuelekea kukagua ujenzi wa jengo la Bweni la wasichana shule ya Sekondari ya Kineng’ene, akiwa katika ziara yake ya Mkoa wa Lindi, jana Januari 21, 2012.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na Mbunge wa Jimbo la Lindi mjini, Salum Baruani, wakati alipowasili kwenye Shule ya Sekondari Mnolela, lindi kwa ajili ya kuzindua Jengo la Utawala la shule hiyo, jana januari 21, 2012, wakati akiwa katika ziara yake ya Mkoa wa Lindi.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwahutubia wananchi wa Uwanja wa Fisi Lindi jana Januari 21, 2012, wakati akiwa katika ziara yake ya Mkoa wa Lindi.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal na mkewe, Mama Zakhia Bilal, wakifurahia ngoma ya asili baada ya Makamu kumaliza kuwahutubia wananchi wa Uwanja wa Fisi, mkoani Lindi jana Januari 21.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akifurahia ngoma ya asili wakati alipowasili kwenye shule ya Sekondari ya Mnolela, alipofika kuzindua Jengo la Utawala la shule hiyo, akiwa katika ziara yake ya Mkoa wa Lindi jana, Januari 21, 2012.. Picha na Muhidin Sufiani-OMR.

Dk. Mary Nagu aongoza matembezi ya hisani ya Saidia Mama Mjamzito Ajifungue Salama leo

2012-01-22T16:52:00.000+03:00

Waziri wa Nchi Ofisi ya Waziri Mkuu (Uwekezaji na Uwezeshaji) Dk. Mary Nagu (katikati) akiongoza matembezi ya hisani ya Saidia Mama Mjamzito Ajifungue Salama yaliyoandaliwa na Taasisi ya Madaktari wahitimu wa vyuo vikuu Tanzania (THPI) ambayo yalianzia katika Hospitali ya Manisipaa ya Temeke hadi katika Ofisi za Manisipaa ya Tameke, leo jijini Dar es Salaam.

Washiriki wa matembezi ya hisani ya Saidia Mama Mjamzito Ajifungue Salama wakielekea katika Ofisi za Manisipaa ya Temeke, leo jijini Dar es Salaam.

Waziri wa Nchi Ofisi ya Waziri Mkuu (Uwekezaji na Uwezeshaji) Dk. Mary Nagu (katikati) akimpongeza mama aliyejifungua salama alipotembelea wodi ya Mama wajawazito katika hospitali ya Manispaa ya Temeke kabla ya kuongoza matembezi ya hisani ya Saidia Mama Mjamzito Ajifungue Salama yaliyoandaliwa na Taasisi ya Madaktari wahitimu wa vyuo vikuu Tanzania (THPI) ambayo yalianzia katika Hospitali ya Manisipaa ya Temeke hadi katika Ofisi za Manisipaa ya Tameke, leo jijini Dar es Salaam.

Haya Malizeni Haraka hapo na Muondoke...

2012-01-22T12:42:00.000+03:00

Askari wa Usalama Barabarani akiwa amewasimamia mafundi wa Lori lililokuwa limeharibika barabarani na kusababisha msongamano mkubwa wa magari mengine kumaliza kulitengeneza gari hilo kwa haraka na kuondoka maeneo ya Kinondoni Studio jijini Dar es Salaam.